សេដ្ឋកិច្ច
IMF ធ្វើបច្ចុប្បន្នភាពការព្យាករណ៍កំណើន GDP ឆ្នាំ ២០២៣ និង ២០២៤ របស់ចិន
មូលនិធិរូបិយវត្ថុអន្តរជាតិ (IMF) នៅថ្ងៃអង្គារនេះបានដំឡើងការព្យាករណ៍កំណើនផលិតផលក្នុងស្រុកសរុប (GDP) របស់ប្រទេសចិន សម្រាប់ឆ្នាំ ២០២៣ ដល់ ៥.៤ ភាគរយ ដោយសារតែការងើបសេដ្ឋកិច្ចឡើងវិញដ៏រឹងមាំ បន្ទាប់ពីជំងឺកូវីដ ១៩ ប៉ុន្តែ IMF បែរជារំពឹងថា សេដ្ឋកិច្ចចិននឹងធ្លាក់ចុះនៅឆ្នាំក្រោយវិញ ។
IMF លើកឡើងថា កំណើនផលិតផលក្នុងស្រុកសរុប (GDP) របស់ចិន អាចថយចុះមកនៅត្រឹម ៤.៦ ភាគរយវិញនៅឆ្នាំក្រោយ ដោយសារតែភាពទន់ខ្សោយនៅក្នុងវិស័យអចលនទ្រព្យ និងការកាត់បន្ថយតម្រូវការខាងក្រៅនៅតែបន្តកើតមាន ទោះបីជាល្អប្រសើរជាងការរំពឹងទុកនៅខែតុលាប្រមាណ ៤.២ ភាគរយនៅក្នុងទស្សនវិស័យសេដ្ឋកិច្ចពិភពលោករបស់ IMF ក៏ដោយ ។
ការប្រែប្រួលការព្យាករណ៍នេះកើតមានឡើង បន្ទាប់ពីចិនអនុម័តលើមូលបត្របំណុលអធិបតេយ្យភាព ១៣៧ ពាន់លានដុល្លារ និងអនុញ្ញាតឲ្យរដ្ឋាភិបាលក្នុងតំបន់ផ្ទុកផ្នែកមួយនៃកូតាសញ្ញាប័ណ្ណឆ្នាំ ២០២៤ ក្នុងការផ្លាស់ប្តូរដើម្បីជួយដល់សេដ្ឋកិច្ចជាតិ ។
បើយោងតាមលោក Gita Gopinath អគ្គនាយករងរបស់ IMF បាននិយាយនៅក្នុងសេចក្តីថ្លែងការណ៍មួយថា ក្នុងរយៈពេលមធ្យម កំណើនត្រូវបានព្យាករនឹងថយចុះជាបណ្តើរៗមកត្រឹមប្រហែល ៣.៥ ភាគរយនៅឆ្នាំ ២០២៨ ចំពេលមានឥទ្ធិពលនៃផលិតភាពខ្សោយ និងចំនួនប្រជាជនចាស់ៗ ។
លើសពីនេះ ចិនបានដាក់ចេញនូវវិធានការជាច្រើនដើម្បីគាំទ្រទីផ្សារអចលនទ្រព្យ ប៉ុន្តែត្រូវការជាចាំបាច់បន្ថែមទៀត ដើម្បីធានាបាននូវការងើបឡើងវិញលឿនជាងមុន និងកាត់បន្ថយការចំណាយសេដ្ឋកិច្ចក្នុងអំឡុងពេលអន្តរកាល ។
ជាចុងក្រោយលោក Gopinath បាននិយាយថា កញ្ចប់គោលនយោបាយចិន គួរតែរួមបញ្ចូលវិធានការជាក់លាក់ណាមួយដើម្បីពន្លឿនការចាកចេញរបស់អ្នកអភិវឌ្ឍន៍អចលនទ្រព្យ លុបបំបាត់ឧបសគ្គចំពោះការកែតម្រូវតម្លៃលំនៅដ្ឋាន បែងចែកមូលនិធិបន្ថែមរបស់រដ្ឋាភិបាលកណ្តាលសម្រាប់ការបញ្ចប់លំនៅដ្ឋាន និងជួយអ្នកអភិវឌ្ឍន៍ដែលអាចសម្រេចបានក្នុងការជួសជុលតារាងតុល្យការ និងសម្របខ្លួនទៅនឹងទីផ្សារអចលនទ្រព្យតូចជាងនេះជាដើម ៕
ប្រែសម្រួល៖ នាង រតនៈ
ប្រភព៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង