ព័ត៌មានអន្ដរជាតិ
រដ្ឋ ឥណ្ឌា ជាច្រើនហាមមិនឲ្យទិញលក់ស្ករសំឡី ព្រោះហានិភ័យមហារីក
រដ្ឋឥណ្ឌាជាច្រើនកំពុងផ្តើមហាមឃាត់ទៅលើការលក់នូវប្រភេទស្ករសំឡី ដែលគេអាចស្គាល់ថាជាស្ករព័ណ៌ផ្កាឈូក សរសៃទន់ដូចនឹងសំឡី ដែលគេច្រើនលក់នៅទីកន្លែងក្មេងលេង ។ នេះបើយោងតាមការចេញផ្សាយដោយសារព័ត៌មានអង់គ្លេស BBC នៅថ្ងៃទី២២ ខែកុម្ភៈនេះ ។
កាលពីសប្តាហ៍មុន រដ្ឋ Tamil Nadu ភាគខាងត្បូងប្រទេសឥណ្ឌា បានអនុវត្តការហាមឃាត់នេះ ក្រោយពេលដែលខាងមន្ទីរពិសោធតេស្តសំណាកស្ករគំរូឃើញមានវត្តមានសមាសធាតុ Rhodamine-B ដែលអាចបង្កឲ្យកើតជំងឺមហារីក ។
ហើយកាលពីដើមខែកន្លងទៅ នៅតំបន់ដែនដី Puducherry ភាគខាងត្បូងឥណ្ឌាដូចគ្នា ក៏បានសម្រេចហាមឃាត់ការលក់ដូរនៃប្រភេទស្ករដែលកុមារចូលចិត្តនិយមញ៉ាំនេះផងដែរ ទន្ទឹមនឹងពេលរដ្ឋផ្សេងៗទៀតគឺកំពុងចាប់ផ្តើមតេស្តពិនិត្យលើសំណាកស្ករសំឡីនោះជាបន្តបន្ទាប់ ។
ដោយសារវាមានហានិភ័យ មន្ត្រីអាជ្ញាធរឥណ្ឌាក៏ចាប់ផ្តើមអនុវត្តការបញ្ឈប់លើការលក់ដូរស្ករប្រភេទនេះ ។ លោក P satheesh Kumar មន្ត្រីផ្នែកសុវត្ថិភាពចំណីអាហារនៅទីក្រុង Chennai ក្នុងរដ្ឋ Tamil Nadu បានប្រាប់សារព័ត៌មាន Indian Express ថា ជាមួយការអនុវត្តវិធានការបង្ការពីហានិភ័យមហារីក ក្រុមរបស់លោកដែលបានសហការជាមួយសមត្ថកិច្ច ក៏បានបញ្ឈប់ និងណែនាំដល់អាជីករលក់ស្ករប្រភេទនេះជាច្រើន នៅឯតំបន់ឆ្នេរនៃទីក្រុង ហើយភាគច្រើនពួកគេជាអ្នកផលិត និងលក់ផ្ទាល់ និងពុំសូវមានការផលិតពីរោងចក្រទ្រង់ទ្រាយធំទេ ។
គួរបញ្ជាក់ថា នៅប្រទេសឥណ្ឌា ស្ករប្រភេទនេះមានឈ្មោះ Buddi-ka-baal ហើយនៅតាមបណ្តាទីកន្លែងកុមារលេង កម្សាន្ត ដូចជា សួនសាធារណៈផ្សេងៗ ច្រើនមានវត្តមានអ្នកចាំលក់ស្ករនេះជាប់ឥតដាច់ ដោយសារតែវាមានរសជាតិផ្អែម រលាយភ្លាមៗនៅក្នុងមាត់ និងមានព័ណ៌ឆើតជាទីទាក់ទាញដល់កុមារជាច្រើន ៕
ដោយ៖ មាន រតនា
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២១ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន