ជីវិតកម្សាន្ដ

Gong Yoo និង Song Hye Kyo អាចនឹងលេចមុខសម្ដែងភាពយន្តរួមគ្នា

បានផុស

៣ សប្តាហ៍ មុន

នៅ

ថ្ងៃសុក្រ ២៦ មេសា ២០២៤

ដោយ

កាលពីរសៀលថ្ងៃទី ២៤ ខែមេសា ប្រព័ន្ធផ្សព្វផ្សាយកូរ៉េភ្លាមៗបានរាយការណ៍ថា តារាសម្តែង Gong Yoo បានទទួលការអញ្ជើញឲ្យសម្តែងក្នុងការងារថ្មីដោយអ្នកនិពន្ធរឿង Noh Hee Kyung ហើយបច្ចុប្បន្នកំពុងពិចារណាចូលរួម។

ក្រោយមក កាលពីដើមខែមេសា Song Hye Kyo ក៏បានបញ្ជាក់ផងដែរថា នាងកំពុងស្ថិតក្នុងដំណាក់កាលពិភាក្សាអំពីគម្រោងនេះដូចគ្នា។ ប្រសិនបើទទួលយក នេះនឹងក្លាយជាការសហការលើកទីបីរបស់ Song Hye Kyo ជាមួយអ្នកនិពន្ធរឿង Noh បន្ទាប់ពីរឿង The World They Live In (សម្តែងជាមួយ Hyun Bin) និងរឿង That Winter The Wind blows (សម្តែងជាមួយ Jo In Sung)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នាដៃថ្មីរបស់អ្នកនិពន្ធ Noh Hee Kyung នឹងបង្ហាញពីឈុតឆាកជីវិតពិតរបស់បុគ្គលក្នុងវិស័យផ្សាយ។ គម្រោងនេះបានចាប់យកចំណង់ចំណូលចិត្តរបស់អ្នកដែលបានរស់នៅតាមរយៈប្រវត្តិសាស្រ្តដ៏ច្របូកច្របល់ នៃកំណើតនៃការកម្សាន្តកូរ៉េខាងត្បូង។

បច្ចុប្បន្ននេះ ឈ្មោះផ្លូវការនៃគម្រោងរបស់លោកស្រី Noh Hee Kyung មិនត្រូវបានបញ្ចេញទេ ប៉ុន្តែទស្សនិកជនមានការរំពឹងទុកខ្ពស់សម្រាប់ការជួបជុំគ្នាឡើងវិញរបស់ Song Hye Kyo និងអ្នកនិពន្ធរឿងស្រីរូបនេះ បន្ទាប់ពីជាងមួយទសវត្សរ៍មកហើយ។ ទន្ទឹមនឹងនោះ ប្រសិនបើតារាសម្ដែង Gong Yoo យល់ព្រម រឿងនេះត្រូវបានគេរំពឹងថានឹងក្លាយជាតួឯកទូរទស្សន៍នាពេលខាងមុខនេះផងដែរ។

សម្រាប់ Gong Yoo គឺជាតារាប្រុសលេចធ្លោមនៅកូរ៉េ ហើយថែមទាំងត្រូវបានគេដាក់រហស្សនាមថា ពូដែលទាក់ទាញជាងគេ បើទោះជាមានវ័យ ៤០ ឆ្នាំក៏ដោយ ក៏ភាពទាក់ទាញរបស់លោកមិនថមថយ ថែមទាំងទាក់ទាញបុរសសង្ហារៗទៀត។ ការបង្ហាញខ្លួនក្នុងរឿងណាមួយ ធ្វើឲ្យរឿងនោះក្លាយជាភាពយន្តរកចំណូលបានច្រើន។ ពិតណាស់ក្រៅពីសមត្ថភាពសម្តែងកំពូល រូបរាងសង្ហារបស់ Gong Yoo គឺជាកត្តាដែលបង្កើតការទាក់ទាញខ្លាំងអាចបដិសេធបាន។

លើសពីនេះ មិនមែនគ្រប់គ្នាសុទ្ធតែដឹងការពិតថា Gong Yoo គឺជាតួសម្តែងដែលដំបូងឡើយ ត្រូវបានគេកំណត់គោលដៅសម្រាប់តួឯកប្រុសក្នុងរឿង Descendants of the Sun ។ អាស្រ័យហេតុនេះ តួអង្គ Captain Yoo Shi Jin ពីដំបូងគឺសំដៅលើតារាផ្សេងទៀត មិនមែន Song Joong Ki ទេ។ នៅពេលនោះ ក្រុមការងារផលិតមានការរំពឹងទុកថា Gong Yoo, Won Bin, Jo In Sung ឬ Lee Min Ho នឹងទទួលតួនាទីនេះ។

បន្ទាប់ពីមុខទាំងនេះបានច្រានចោលគម្រោងដោយសារតែមមាញឹករបស់ពួកគេ Song Joong Ki បានក្លាយជាជម្រើសបន្ទាប់សម្រាប់តួនាទីក្នុងរឿង Descendants of the Sun ។ នេះក៏ជាឱកាសដែលនាំឲ្យតារាសម្ដែងរូបនេះល្បីល្បាញខ្លាំង។ ទស្សនិកជនជាច្រើនថែមទាំងនិយាយលេងថាជា Gong Yoo បានបង្កើតការផ្គូផ្គងសម្រាប់គូស្នេហ៍ Song Hye Kyo និង Song Joong Ki ទោះបីជាអ្នកទាំងពីរ ដើរផ្លូវបំបែកបន្ទាប់ពីរៀបការរួចហើយក្ដី៕