មន្រ្តីនគរបាលកំពុងសម្រាកព្យាបាលជំងឺនៅមន្ទីរពេទ្យទទួលបានថវិកាជាង១២លានរៀលពីនាយឧត្តមសេនីយ៍ ស ថេត

ដោយមើលឃើញពីទុក្ខលំបាក និងជីវភាពខ្វះខាតរបស់មន្រ្តីនគរបាលជាតិ និងដោយមានការឯកភាពពីឧត្តមសេនីយ៍ឯក ប៊ុនប៉ា ម៉ារីលុច និងឧត្តមសេនីយ៍ឯក ព្រុំ សន្ធរ អគ្គស្នងការរងទទួលការងារដឹកនាំមន្ទីរប្រឆាំងគ្រឿងញៀន នៅរសៀលថ្ងៃទី១២ ខែកក្កដា ឆ្នាំ២០២៤ ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន បានចាត់លោកវរសេនីយ៍ឯក សាន់ ដេត នាយការិយាល័យបច្ចេកទេស នៃមន្ទីរប្រឆាំងគ្រឿងញៀន នាំយកថវិកាចំនួន ១២.៥០០.០០០រៀល ដែលជាអំណោយដ៏ថ្លៃថ្លារបស់ នាយឧត្តមសេនីយ៍ ស ថេត អគ្គស្នងការនគរបាលជាតិ ជូនលោកអនុសេនីយ៍ទោ ឡុង គំនិត ឋាន: នាយរងផ្នែក នៃការិយាល័យបច្ចេកទេស ដែលកំពុងសម្រាកព្យាបាលជំងឺមហារីក (ចាក់គីមី ) នៅមន្ទីរពេទ្យរុស្សី។

ក្នុងឱកាសនោះដែរ លោកអនុសេនីយ៍ទោ ឡុង គំនិត និងក្រុមគ្រួសារ បានថ្លែងអំណរគុណយ៉ាងជ្រាលជ្រៅបំផុតជូនចំពោះ នាយឧត្តមសេនីយ៍ ស ថេត អគ្គស្នងការនគរបាលជាតិ ឧត្តមសេនីយ៍ឯក ប៊ុនប៉ា ម៉ារីលុច និង ឧត្តមសេនីយ៍ឯក ព្រុំ សន្ធរ អគ្គស្នងការរងទទួលការងារដឹកនាំមន្ទីរប្រឆាំងគ្រឿងញៀន និងឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន ដែលជានិច្ចកាលតែងតែយកចិត្តទុកដាក់គិតគូអំពីសុខទុក្ខរបស់មន្ត្រីក្រោមឱវាទ ដែលកំពុងមានជំងឺសម្រាកព្យាបាលនៅមន្ទីរពេទ្យឬនៅគេហដ្ឋាន៕

អត្ថបទ៖ ម៉េង