ព័ត៌មានជាតិ
ប្រាសាទអាយុកាលជិត ១ ពាន់ឆ្នាំ កំពុងអូសទាញភ្ញៀវទេសចរឡើងវិញ
បើតាមការបកស្រាយពីមគ្គុទ្ទេសទេសចរមួយរូប ដែលឈរជើងនៅតំបន់ប្រាសាទបាសែត បានឱ្យដឹងថា បន្ទាប់ពីមានការអភិរក្ស និងកែលម្អទីធ្លាក្នុងបរិវេនប្រាសាទនេះមក ឃើញថា ប្រសាទដែលមានអាយុកាលជិត ១ ពាន់ឆ្នាំនេះ បានចាប់ផ្តើមទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាជាបណ្តើរៗ។
ប្រាសាទបាសែត គឺជាប្រាសាទមួយដែលសាងសង់ឡើងអំពីថ្មភក់ និងមានអាយុកាលជិត ១.០០០ ឆ្នាំហើយ បើតាមការស្រាវជ្រាវប្រវត្តិសាស្ត្រ ប្រាសាទនេះ គឺជាប្រាសាទដែលសាងសង់ឡើងមុនប្រសាទអង្គរវត្តទៅទៀត ប៉ុន្តែដោយសារតែប្រាសាទនេះ បានបាក់បែកអស់ជាច្រើនកន្លែង ដោយសារស្នាដៃក្រុមខ្មែរក្រហម នាឆ្នាំ ១៩៧៥ ដល់ ឆ្នាំ ១៩៧៩ ដែលបានរុះរើយកថ្មប្រាសាទ ទៅច្នៃប្រឌិតបម្រុងធ្វើទំនប់ទប់ទឹកស្ទឹងសង្កែ។
ប្រាសាទបាសែត មានទីតាំងស្ថិតក្នុងភូមិបាសែត ឃុំតាប៉ុន ស្រុកសង្កែ ខេត្តបាត់ដំបង ដែលមានចម្ងាយប្រមាណជាង ៣០ គីឡូម៉ែត្រ ពីទីរួមខេត្តបាត់ដំបង ស្ថិតក្នុងទិសឦសាន និងសាងសង់នៅលើផ្ទៃដីទំហំប្រមាណ ១ គីឡូម៉ែត្រ ៤ ជ្រុង ដែលនៅទីនោះពោរពេញដោយម្លប់ត្រឈឹងត្រឈៃ គឺភាគច្រើនមានតែដើមពោធិ៍ និងដើមសំរោងដ៏ធំៗ។
បើតាមការស្រាវជ្រាវប្រវត្តិសាស្ត្រ និងការបកស្រាយពីមគ្គុទ្ទេសទេសចរមួយរូប ដែលឈរជើងនៅតំបន់ប្រាសាទបុរាណនោះ បានរៀបរាប់ថា ប្រាសាទបាសែត គឺបានសាងសង់ឡើងមុនប្រាសាទអង្គរវត្ត ។ ប្រាសាទនេះបើតាមការស្រាវជ្រាវមានតួប្រាសាទជាច្រើន ដោយសារតែមានការបាក់បែកនិងបំផ្លិចបំផ្លាញ កាលពីជំនាន់របបខ្មែរក្រហម ទើបធ្វើឲ្យបច្ចុប្បន្ននៅសល់តួប្រាសាទតិចតួចប៉ុណ្ណោះ ប៉ុន្តែសម្រាប់គ្រឹះប្រាសាទគឺនៅរាយប៉ាយជាច្រើនកន្លែង ថែមទាំងមានស្រះមួយកន្លែងផងដែរ ដែលស្រះនេះសាងសង់ឡើងអំពីថ្មបាយក្រៀម មានបណ្ដោយប្រវែង ១៥ ម៉ែត្រ ទទឹង ១០ ម៉ែត្រ និងជម្រៅ ១០ ម៉ែត្រ ។
មគ្គុទេសរូបនេះបានបន្តថា ប្រាសាទបាសែតបានសាងសង់ឡើងនៅចន្លោះ គ.ស ១.០២០ ដល់ គ.ស ១.០៥០ ដោយព្រះបាទសូរ្យ វរ្ម័នទី ១ ចំណែកអង្គរវត្តគឺសាងសង់ឡើងនៅចន្លោះ គ.ស ១.១១៣ ដល់ គ.ស ១.១៥០ ដោយព្រះបាទសូរ្យ វរ្ម័នទី ២ ។
លោកបានបន្ថែមថា នៅក្នុងរយៈពេលប៉ុន្មានឆ្នាំចុងក្រោយនេះ បន្ទាប់ពីមានការអភិរក្ស និងកែលម្អទីធ្លាក្នុងបរិវេណប្រាសាទនេះមក គឺចាប់ផ្ដើមមានភ្ញៀវទេសចរណ៍ជាតិ និងអន្តរជាតិទៅកំសាន្តជាបណ្ដើរៗហើយ ដោយឡែកសម្រាប់ភ្ញៀវក្នុងស្រុកដែលបានរៀបចំអាពាហ៍ពិពាហ៍កូនប្រុសកូនស្រី ក៏គេតែងតែនាំគ្នាទៅថតផ្តិតយករូបភាព នៅក្នុងតំបន់ប្រាសាទនេះជាហូរហែផងដែរ ដែលសកម្មភាពនេះបានធ្វើឲ្យតំបន់ប្រាសាទបាសែតកាន់តែលេចធ្លោឡើង នឹងធ្វើឲ្យភ្ញៀវភាព និងអន្តរជាតិកាន់តែបានស្គាល់និងកាន់តែចង់នាំគ្នាទៅកំសាន្តនៅទីនោះផងដែរ ៕
អត្ថបទ : សោ និយមរ័ត្ន
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ