ជិត៨ឆ្នាំ​ Lee Min Ho ​ទើបប្រកាសប្រគំ​តន្ត្រី​​ ចង់ជួប​អ្នក​គាំទ្រ​នៅទូទាំង​អាស៊ី​​

កាលពីថ្ងៃទី ១៤ ខែមករា ក្រុមការងាររបស់ Lee Min Ho បានបង្ហាញផ្ទាំងរូបភាពសំខាន់សម្រាប់ដំណើរទេសចរណ៍ជួបជុំអ្នកគាំទ្រនៅអាស៊ី MINHOVERSE ។ ដំណើរ​កម្សាន្ត​នឹង​ចាប់​ផ្តើម​ក្នុង​ខែ​មីនា  នៅ​សាល​អូឡាំពិក​ក្នុង​ទីក្រុង​សេអ៊ូល។

បន្ទាប់ពីព្រឹត្តិការណ៍ទីក្រុងសេអ៊ូល តារាសម្ដែង Lee Min Ho នឹងទៅទស្សនាទីក្រុងធំៗចំនួនប្រាំពីរនៅទូទាំងអាស៊ី រួមមានទីក្រុងបាងកក និងម៉ាកាវក្នុងខែមីនា តៃប៉ិ ហ្សាការតា និងម៉ានីលក្នុងខែមេសា និងទីក្រុងតូក្យូក្នុងខែឧសភា។ កម្មវិធីជួបជុំអ្នកគាំទ្រដែលមានចំណងជើងថា MINHOVERSE រួមបញ្ចូលគ្នានូវ Minho ជាមួយ សកលលោក ដែលតំណាងឲ្យ «Lee Min Ho’s world and universe»។

អ្នកតំណាងម្នាក់បានពន្យល់ថា ព្រឹត្តិការណ៍នេះនាំមកជូននូវសារពិសេសមួយដែលអ្នកគាំទ្រដែលស្រលាញ់ Lee Min Ho មកជួបជុំគ្នាដើម្បីបង្កើតសកលលោក។ ក្នុងចន្លោះដ៏ពិសេសនេះ យើងមានគោលបំណងផ្តល់ឲ្យអ្នកគាំទ្រនូវបទពិសោធន៍ដែលមិនអាចបំភ្លេចបាន។

គួរបញ្ចាក់ថា Lee Min Ho បច្ចុប្បន្នកំពុងសម្តែងក្នុងរឿងភាគចុងសប្តាហ៍របស់ tvN ‘When the Stars Gossip (និពន្ធដោយ Seo Sook Hyang និងដឹកនាំដោយ Park Shin Woo) ។ គាត់ដើរតួជា Gong Ryong ដែលជាគ្រូពេទ្យឯកទេសខាងសម្ភព និងជាភ្ញៀវដែលមិនបានអញ្ជើញក្នុងបេសកកម្មសម្ងាត់មួយ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖តស៊ូក្នុងអាជីពជាង២៣ឆ្នាំ Liu Yifei ទើបហ៊ានទទួលយករហស្សនាមថា «Fairy Sister»