ព័ត៌មានអន្ដរជាតិ
កិច្ចប្រជុំកម្រិតបច្ចេកទេសអ៊ុយក្រែន-រុស្ស៊ី នឹងធ្វើនៅសប្តាហ៍ក្រោយ ចូលរួមដោយចតុភាគី
កិច្ចប្រជុំចតុភាគីក្នុងការរកដំណោះស្រាយជុំវិញជម្លោះអ៊ុយក្រែននិងរុស្ស៊ី ទំនងកើតឡើងនៅសប្តាហ៍ក្រោយនៅបុរីវ៉ាទីកង់ របស់មេដឹកនាំសាសនាកាតូលិក ដែលទើបចូលកាន់តំណែងជាផ្លូវការនៅសប្តាហ៍នេះ។ យោងការផ្សាយរបស់ទូរទស្សន៍ជាតិហ្វាំងឡង់ Yle។
ប្រធានាធិបតីហ្វាំងឡង់ លោក Alexander Stubb បាននិយាយកាលពីល្ងាចថ្ងៃពុធក្នុងបទសម្ភាសន៍ដែលចាក់ផ្សាយនៅលើបណ្តាញទូរទស្សន៍ Yle ថា កិច្ចពិភាក្សាកម្រិតបច្ចេកទេសដែលពាក់ព័ន្ធនឹងប្រទេសរុស្ស៊ី និងអ៊ុយក្រែនអាចនឹងប្រព្រឹត្តទៅនៅដើមសប្តាហ៍ក្រោយនៅបុរីវ៉ាទីកង់។
តាមការអះអាងរបស់ប្រធានាធិបតីហ្វាំងឡាំង ដែលចូលជាសមាជិកនៃអង្គការណាតូកាលឆ្នាំ២០២៣ កិច្ចពិភាក្សានេះនឹងមាន៤ភាគីចូលរួម គឺតំណាងមកពីសហរដ្ឋអាមេរិក តំណាងភាគីអឺរ៉ុប និងក្រុមការងារបច្ចេកទេសរបស់ប្រទេសរុស្ស៊ីនិងអ៊ុយក្រែន។
ប្រធានាធិបតីហ្វាំងឡង់ បានហៅកិច្ចប្រជុំដ៏មានសក្តានុពលនៅសប្តាហ៍ក្រោយនេះជាជំហានវិជ្ជមានឆ្ពោះទៅរកការចូលរួមជាអន្តរជាតិកាន់តែទូលំទូលាយក្នុងកិច្ចខិតខំប្រឹងប្រែងដើម្បីបញ្ចប់ជម្លោះនៅអ៊ុយក្រែន។
លោក Alexander Stubb ត្រូវបានស្រង់សម្តីដូចនិយាយថា៖«វាទំនងណាស់ដែលនៅសប្តាហ៍ក្រោយ ឧទាហរណ៍នៅបុរីវ៉ាទីកង់ នឹងមានកិច្ចប្រជុំបច្ចេកទេសដែលមានការចូលរួមពីអ៊ុយក្រែន រុស្ស៊ី អាមេរិក និងអឺរ៉ុប»។
ការចរចារវាងរុស្ស៊ីនិងអ៊ុយក្រែន បានកើតឡើងម្តងរួចមកហើយកាលថ្ងៃទី១៥ខែឧសភានេះ នៅទីក្រុងអ៊ីស្តង់ប៊ុលប្រទេសតូកគី ប៉ុន្តែគ្មានលទ្ធផលដុំកំភួនឈានទៅបញ្ចប់សង្គ្រាម ដោយបានត្រឹមយល់ព្រមដោះលែងឈ្លើយសឹក១០០០នាក់ម្ខាង។
ការជួបចរចានោះកើតឡើង ក្រោយប្រធានាធិបតីរុស្ស៊ី លោក វ៉្លាឌីមៀរ ពូទីន បាននិយាយទូរស័ព្ទជាមួយប្រធានាធិបតី តួកគី ដែលបានធានាធ្វើជាម្ចាស់ផ្ទះសម្រាប់ជំនួបចរចារវាងរុស្ស៊ីនិងអ៊ុយក្រែន។ ការចរចានៅតួកគីនោះ ត្រូវគេរំពឹងថា ធ្វើឡើងកម្រិតកំពូលរវាង លោក វ៉្លាឌីមៀរ ពូទីន និង ប្រធានាធិបតី អ៊ុយក្រែន លោក វ៉ូឡូឌីមៀរ ហ្សេលេនស្គី ប៉ុន្តែក្រោយមក លោក ពូទីន បានបញ្ជូនត្រឹមតែជំនួយការរបស់លោកក្នុងការចរចា ដែលធ្វើឲ្យភាគីអ៊ុយក្រែនខកចិត្តយ៉ាងខ្លាំង។
ក្រោយមកប៉ុន្មានថ្ងៃ ប្រធានាធិបតីអាមេរិក លោក ដូណាល់ ត្រាំ បាននិយាយទូរស័ព្ទជាមួយលោក ពូទីន ហើយ បានបានសន្ទនាតាមទូរស័ព្ទជាមួយមេដឹកនាំអឺរ៉ុបមួយចំនួន រួមទាំង Stubb ផងដែរ។
សេចក្តីរាយការណ៍បានលើកឡើងថា លោក ដូណាល់ ត្រាំ បានចែករំលែកព័ត៌មានលម្អិតនៃការសន្ទនាជាមួយប្រធានាធិបតីរុស្ស៊ីលោក វ៉្លាឌីមៀរ ពូទីន ហើយក្រុមនេះបានពិភាក្សាអំពីការចរចាដែលកំពុងបន្ត បទឈប់បាញ់ដ៏មានសក្តានុពល និងជំហានឆ្ពោះទៅរកសន្តិភាពយូរអង្វែងនៅអ៊ុយក្រែន។
ក្នុងកិច្ចចរចាកន្លងមកដែលគ្មានផ្លែផ្កាឈានទៅបញ្ចប់សង្គ្រាម មួយផ្នែកគ្មានភាគីអឺរ៉ុបដែលជាអ្នកគាំទ្រអ៊ុយក្រែនយ៉ាងសម្បើម ចូលរួមក្នុងការចរចាដែលពួកគេតែងតែទាមទាររដ្ឋបាលរបស់លោកដូណាល់ ត្រាំ ឲ្យបំពេញលក្ខខណ្ឌរបស់ពួកគេ។
រធានាធិបតីហ្វាំងឡង់ លោក Alexander Stubb បានសង្កត់ធ្ងន់លើការកើនឡើងនូវតួនាទីរបស់ប្រទេសអឺរ៉ុបក្នុងដំណើរការសន្តិភាព ដោយបាននិយាយថា៖«យើងកំពុងឈានចូលដំណាក់កាលមួយដែលអឺរ៉ុបក៏ចូលរួមដែរ ហើយនោះជាអ្វីដែលយើងសង្ឃឹមតាំងពីដើមមក»៕
ដោយ រ៉ាន់ រើយ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ