ព័ត៌មានអន្ដរជាតិ
គឹម ជុងអ៊ុន បង្ហាញការគាំទ្ររុស្ស៊ីដោយឥតលក្ខខណ្ឌ និង ជឿជាក់ថា រុស្ស៊ីឈ្នះសង្គ្រាម
ពេលទទួលជួបមន្ត្រីសន្តិសុខរុស្ស៊ី ក្រោយពេលដែលរុស្ស៊ីរងការវាយប្រហារយ៉ាងដំណំពីភាគីអ៊ុយក្រែន ប្រធានាធិបតី កូរ៉េខាងជើង លោគ គឹម ជុងអ៊ុន (Kim Jong Un) បានបង្ហាញជំហរគាំត្ររុស្ស៊ីដោយឥតលក្ខខណ្ឌ និង បង្ហាញសុទិដ្ឋិនិយមថា រុស្ស៊ីនឹងឈ្នះសង្គ្រាមនៅអ៊ុយក្រែន ដូចដែលរុស្ស៊ីធ្លាប់ឈ្នះសង្គ្រាមក្នុងប្រវត្តិសាស្រ្តក្នុងពេលកន្លងមក។
ការបង្ហាញសុទិដ្ឋិនិយមរបស់មេដឹកនាំកូរ៉េខាងជើង នៅពេលដែលជួបសវនាការជាមួយលេខាធិការក្រុមប្រឹក្សាសន្តិសុខរុស្ស៊ី លោក Sergei Shoigu នៅទីក្រុងព្យុងយ៉ាងនៅថ្ងៃទី៤ខែមិថុនា។ យោងតាមការចុះផ្សាយរបស់ភ្នាក់ងារសារព័ត៌មានមជ្ឈិមកូរ៉េ (Central Korean News Agency (KCNA))។
លោក លោគ គឹម ជុងអ៊ុន បានបញ្ជាក់ថា៖«នៅពេលអនាគត រដ្ឋាភិបាលនៃសាធារណរដ្ឋប្រជាធិបតេយ្យប្រជាមានិតកូរ៉េ នឹងគាំទ្រដោយឥតលក្ខខណ្ឌចំពោះជំហររបស់រុស្ស៊ី និងគោលនយោបាយការបរទេសរបស់ខ្លួនក្នុងគ្រប់បញ្ហានយោបាយអន្តរជាតិសំខាន់ៗ រួមទាំងបញ្ហាអ៊ុយក្រែន និងគោរពតាមមាត្រានៃសន្ធិសញ្ញារវាងកូរ៉េខាងជើង និងរុស្ស៊ី។
ប្រធានាធិបតីកូរ៉េខាងជើង ដែលជាសម្ព័ន្ធមិត្តដំបូងគេក្នុងការជួយរុស្ស៊ី ដោយការបញ្ជូនកងទ័ពប្រមាណ១៥០០០នាក់ទៅសមរភូមិនៅអ៊ុយក្រែន បានសម្តែង ការរំពឹងទុក និងការជឿជាក់ថា រុស្សីនឹងឈ្នះយ៉ាងពិតប្រាកដក្នុងបុព្វហេតុដ៏ពិសិដ្ឋនៃយុត្តិធម៌សម្រាប់ការពារអធិបតេយ្យភាពជាតិ បូរណភាពទឹកដី និងផលប្រយោជន៍សន្តិសុខ។
យោងទីភ្នាក់ងារព័ត៌មានរុស្ស៊ី TASS លេខាធិការក្រុមប្រឹក្សាសន្តិសុខរុស្ស៊ី លោក Sergei Shoigu តាមការបញ្ជារបស់ប្រធានាធិបតីរុស្ស៊ី លោក វ៉្លាឌីមៀរ ពូទីន បានទៅបំពេញទស្សនកិច្ចជាថ្មីម្តងទៀតនៅប្រទេសកូរ៉េខាងជើងក្នុងរយៈពេល៧០ថ្ងៃរាប់ចាប់តាំងពីដំណើរទស្សនកិច្ចដែលបានធ្វើឡើងកាលពីខែមីនា។
ដំណើរទស្សនកិច្ចនេះ កើតឡើងក្រោយ អ៊ុយក្រែនបានបង្កើនការវាយប្រហារដោយយន្តហោះគ្មានមនុស្សបើកលើមូលដ្ឋានទ័ពយោធារហូតដល់៤ទីតាំង និងបំផ្លាញយន្តហោះចម្បាំងរុស្ស៊ីរហូតដល់ជាង៤០គ្រឿង គិតជាទឹកប្រាក់មានប្រមាណ៧ពាន់លានដុល្លារ។ លើសពីនេះ ការវាយប្រហារចុងក្រោយ និងធ្ង្នន់ធ្ងរសម្រាប់រុស្ស៊ី គឺការវាយប្រហាររបស់អ៊ុយក្រែនលើស្ពានតភ្ជាប់ទៅកាន់ឧបទ្វីបគ្រីមៀ ដែលរុស្ស៊ីកាន់កាប់ជាង១ទសវត្សរ៍ និងគ្មានការទទួលស្គាល់ជាអន្តរជាតិ៕
រ៉ាន់ រើយ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៦ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ