ព័ត៌មានអន្ដរជាតិ
រញ្ជួយដីកម្រិត៦.៣ រ៉ិចទ័រកក្រើករដ្ឋធានី Bogota ប្រទេសកូឡុំប៊ី
ការរញ្ជួយដីដ៏ខ្លាំងមួយបានវាយប្រហារកណ្តាលប្រទេសកូឡុំប៊ីនៅព្រឹកថ្ងៃអាទិត្យ ដោយការអង្កេតភូមិសាស្ត្រសហរដ្ឋអាមេរិកបានកត់ត្រាថា មានកម្រិត ៦.៣ រ៉ិចទ័រ ខណៈបើតាមភ្នាក់ងារភូគព្ភសាស្ត្រកូឡុំប៊ីរាយការណ៍ថា វាមានកម្រិត ៦.៥រ៉ិចទ័រ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី០៩ខែមិថុនានេះ។
ចំណុចកណ្តាលនៃការរញ្ជួយដីស្ថិតនៅជិតទីក្រុង Paratebueno ប្រហែល ១៧០ គីឡូម៉ែត្រភាគខាងកើតរដ្ឋធានី Bogota។ អ្នកស្រុកក្នុងរដ្ឋធានីមានការភ្ញាក់ផ្អើល និង ភ័យស្លន់ស្លោ ខណៈអគារញ័រ និងសំឡេងស៊ីរ៉ែន។ មនុស្សជាច្រើនបានជម្លៀសចេញដោយប្រមូលផ្តុំគ្នានៅតំបន់បើកចំហជាការប្រុងប្រយ័ត្ន។
អភិបាលក្រុង Bogota លោក Carlos Galan បានបញ្ជាក់ថា មិនមានការរងរបួសធ្ងន់ធ្ងរណាមួយកើតឡើងនោះទេដោយមានតែមនុស្សម្នាក់ត្រូវបានព្យាបាលដោយសារការថប់អារម្មណ៍អំឡុងពេលរញ្ជួយ ហើយមានតែការខូចខាតរចនាសម្ព័ន្ធតិចតួច និងការដាច់ចរន្តអគ្គិសនីមួយរយៈខ្លីប៉ុណ្ណោះត្រូវបានរាយការណ៍។
គួរបញ្ជាក់ថាប្រទេសកូឡុំប៊ី ជាពិសេសតំបន់កណ្តាលប្រទេស ងាយនឹងកើតមានការរញ្ជួយដីណាស់ ដោយការរញ្ជួយដីកាលពីឆ្នាំ១៩៩៩បានសម្លាប់មនុស្សជិត ១,២០០នាក់ ប៉ុន្តែវាជាសំណាងល្អ ដែលការរញ្ជួយដីនាពេលថ្មីៗនេះ បណ្តាលឱ្យខូចខាតតិចតួច និងមិនមានអ្នករងរបួស៕
អត្ថបទ៖ ប៊ុន សុភាព
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ