Connect with us

សេដ្ឋកិច្ច

រោងចក្រមីនេបៀទី២របស់ជប៉ុននៅខេត្តពោធិ៍សាត់ នឹងបើកសម្ពោធជាផ្លូវការ នៅខែធ្នូ ខាងមុខ

បានផុស

នៅ

រោង​ចក្រដំឡើងគ្រឿងបង្គំអេឡិចត្រូនិក​ធំ​មួយ​ទៀត​របស់​ក្រុមហ៊ុនជប៉ុន មីនេបៀ មីស្សុមី នៅ​ខេត្ត​ពោធិ៍សាត់ នឹង​បើក​សម្ពោធ​ជា​ផ្លូវ​ការ​នៅ​ក្នុង​ខែ​ធ្នូ ឆ្នាំ​២០២៥ ខាង​មុខ ដែលនឹង​ជួយ​បង្កើតការងារប្រមាណ ៨ ពាន់នាក់។ នេះ​បើ​តាម​ការ​ពី​លោក លោក យ៉ូស៊ីហ៊ីសា កៃនូម៉ា នាយកប្រតិបត្តិក្រុមហ៊ុន មីនេបៀ មីស្សុមី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ឱកាស​ចូល​ជួប​សម្តែង​ការ​គួរ​សម ​ជា​មួយ​សម្តេច​តេជោ ហ៊ុន សែន​ ប្រធាន​ព្រឹទ្ធសភាកម្ពុជា នៅ​ថ្ងៃ​ទី​២២ ខែ​កក្កដា ឆ្នាំ​២០២៥ ​លោក យ៉ូស៊ីហ៊ីសា កៃនូម៉ា បាន​គូស​បញ្ជាក់​ថា​ ក្រុមហ៊ុន​ មីនេបៀ របស់​លោក​ដែល​មកដល់​ពេល​នេះ​មាន​ភាព​រីកចម្រើន​នៅ​ក្នុង​ប្រទេស​កម្ពុជា​ គឺ​មិន​អាច​ខ្វះ​បាន​ពី​ការ​ជួយ​គាំ​ទ្រ​របស់​រដ្ឋាភិបាល​ ជា​​ពិសេស​សម្តេច​តេជោ ដែលតែងបានជួយជ្រោមជ្រែង និងធ្វើឱ្យក្រុមហ៊ុន MinebeaMitsumi Inc. ទទួលជោគជ័យក្នុងរយៈពេលជាង ១៤ឆ្នាំមកនេះ តាំងពីពេលសម្តេច ធ្វើជានាយករដ្ឋមន្រ្តី និងបន្តមកដល់សម្តេចធិបតី ហ៊ុន ម៉ាណែត។

ជាមួយនឹងការរីកចម្រើននេះ លោក យ៉ូស៊ីហ៊ីសា កៃនូម៉ា បាន​ជម្រាប​ជូន​សម្តេច​តេជោ អំពី​គម្រោង​នៃការ​បើក​សម្ពោធ​រោងចក្រ​ធំ​មួយទៀត​នៅ​ខេត្តពោធិ៍សាត់ នៅក្នុងខែធ្នូ ឆ្នាំ២០២៥ ដែល​និង​បង្កើន​បច្ចេកវិទ្យា​ថ្មី​ៗ​បន្ថែម​ទៀត​នៅ​ក្នុង​ការ​វិនិយោគ​នៅ​ក្នុង​ព្រះរាជាណាចក្រ​កម្ពុជា​។ ទន្ទឹមនឹងនេះ បាន​បង្ហាញ​នូវ​ផលិតផល​ចុង​ក្រោយ​របស់​ក្រុមហ៊ុន ដែល​នឹង​ដាក់​ឱ្យចរាចរណ៍នៅលើទីផ្សារអន្តរជាតិនៅឆ្នាំ២០២៦ នេះ​ផង​ដែរ​។

ទន្ទឹមនះ នាយក​ប្រតិបត្តិ​ក្រុមហ៊ុន​រូប​នេះ បាន​លើក​ឡើង​អំពី​ផល​ប៉ះពាល់​នៃ​ការ​បិទ​ច្រកព្រំដែន​របស់​ថៃចំពោះ​ដំណើរការ​វិនិយោគ​របស់ក្រុមហ៊ុនលោក ដូចជា​ផល​លំបាក​នៃការ​ដឹកគ្រឿងផ្គុំ​នៃ​ខ្សែច្រវាក់​ផលិតកម្ម​របស់​ក្រុមហ៊ុន​រវាង​ប្រទេស​ទាំងពីរជាដើម។

សម្តេចតេជោ បានសម្តែងនូវក្តីរីករាយ និងមោទនភាពចំពោះវឌ្ឍនភាពរបស់ក្រុមហ៊ុន និង​​បាន​រំលឹក​អំពី​ប្រវត្តិនៃការចូលមកឈរជើងនៅកម្ពុជារបស់ក្រុមហ៊ុននេះជាលើកដំបូង ដែលនាពេល​នោះ​មាន​ក្រុមហ៊ុន​ផ្សេងៗ ចូលមកប្រកួតប្រជែងជាមួយ។ សម្តេច បានគូស​បញ្ជាក់ពី​គោលការណ៍​នៃការ​ស្វាគមន៍​ចំពោះ​ក្រុមហ៊ុនវិនិយោគ ដោយក្រុមហ៊ុនណាមកមុន នឹង​ទទួលបានការស្វាគមន៍មុន មិនថាជាក្រុមហ៊ុនតូច ឬធំនោះទេ។

សម្តេច​តេជោ បានលើកឡើង​ដោយចង្អុលបង្ហាញថា នៅកម្ពុជា កម្រឃើញមានការទាត់ចោល ឬលុបចោល​ក្រុមហ៊ុន​ដែលបានចូលមកដំណើរការនៅកម្ពុជា មិនថាតូចឬធំនោះទេ។ គោលការណ៍​នេះបាន​បង្ក​ទំនុកចិត្ត​ដល់​វិនិយោគិន​នានា​ចំពោះ​បរិយាកាស​វិនិយោគ​នៅកម្ពុជា។

នៅក្នុងបរិបទនេះ សម្តេច បាន​សម្តែងនូវក្តីរីករាយ​ដែល​បាន​ឃើញ​ផលិតផល​របស់​ក្រុមហ៊ុន ជា​មួយ​នឹងបច្ចេកវិទ្យាចុងក្រោយ “ផលិតនៅកម្ពុជា” (Made in Cambodia)។ សម្តេចបានលើកឡើងថា ការពង្រីករោងចក្រនៅខេត្តពោធិ៍សាត់ គឺជាទិសដៅល្អ ដោយហេតុថាមានហេដ្ឋារចនាសម្ព័ន្ធដឹកជញ្ជូន និងការផ្គត់ផ្គង់អគ្គីសនីគ្រប់គ្រាន់៕

ដោយ៖ ថារី

Helistar Cambodia - Helicopter Charter Services
Sokimex Investment Group
សន្តិសុខសង្គម២១ នាទីutes មុន

នាយកដ្ឋានប្រឆាំងការជួញដូរមនុស្ស និងការពារអនីតិជន ចុះបង្ក្រាបទីតាំង ១ កន្លែង ឃាត់ខ្លួនជនបរទេសជាច្រើននាក់

ព័ត៌មានអន្ដរជាតិ៣២ នាទីutes មុន

ថៃ ជំរុញឲ្យអន្តរជាតិ ដាក់សម្ពាធលើកម្ពុជា ទាំងដែលអះអាងថា ទាហានខ្លួនជាន់មីនលើដីខ្លួនឯង

ព័ត៌មានជាតិ៣៣ នាទីutes មុន

អ្នកនាំពាក្យ៖ កងទ័ពថៃបើកការបាញ់ប្រហារមកលើកងទ័ពកម្ពុជាមុននៅព្រំដែនខេត្តឧត្តរមានជ័យ

ព័ត៌មានអន្ដរជាតិ៣៩ នាទីutes មុន

វៀតណាមកំពុងរងគ្រោះធ្ងន់ធ្ងរដោយសារព្យុះវីពផា

កីឡា៤០ នាទីutes មុន

លោក​ ហ៊ុន​ ច័ន្ទរាជ្យ៖​ ចេញ​ទៅ​ផ្សព្វផ្សាយ​ពី​កម្ពុជា​ និង​គុន​ខ្មែរ​ ដូច​គេ​ដែរ​ ប៉ុន្តែ​វាសនា​ខុស​គ្នា​

Sokha Hotels

ព័ត៌មានពេញនិយម