Dragon រងការរិះគន់ដូច Taylor Swift ថា បំផ្លាញបរិស្ថាន

កាលថ្មីៗនេះអ្នកគ្រប់គ្រងរបស់ G-Dragon បានបង្ហោះរូបថតជាច្រើនសន្លឹកនៃយន្តហោះឯកជន ដែលរចនាដោយគ្រឿងអលង្ការម៉ាក Jacob&Co សម្រាប់ស្តេច Kpop។ ដោយសារតែយន្តហោះនេះ មានស្លាកសញ្ញារបស់តារាចម្រៀង ទើបធ្វើគេអាចមើលដឹងថា នេះជារបស G-Dragon ជាមួយនឹងឈ្មោះ Übermensch។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាត្រូវបានគេដឹងថា Jacob&Co បានប្តូរយន្តហោះឯកជននេះ ដើម្បីបម្រើតែ G-Dragon ក្នុងដំណើរទេសចរណ៍នៅសហរដ្ឋអាមេរិក។ ការ​បំរើសេវាកម្មមួយនេះ ​​ត្រូវ​បាន​គេ​ចាត់​ទុក​ថា​លើស​ពី​ទំហំ​អ្នក​ចម្រៀង​ធម្មតា​ទៅ​ទៀត។ ការប្រើប្រាស់យន្តហោះឯកជនអាចចំណាយអស់រាប់លានដុល្លារផងដែរ។

បន្ថែមពីលើការលើកសរសើរព្រោងព្រាត តារាប្រុសវ័យ៣៧ឆ្នាំ ក៏បានប្រឈមមុខរលកនៃការប្រឆាំងនៅលើបណ្តាញសង្គមពាក់ព័ន្ធនឹងការបំផ្លាញបរិស្ថាន។ មនុស្សជាច្រើនជឿថា ក្នុងបរិបទបច្ចុប្បន្ននៃការប្រែប្រួលអាកាសធាតុ ការប្រើប្រាស់យន្តហោះឯកជន​គឺគ្មានការទទួលខុសត្រូវ។ ដូចគ្នានេះផងដែរ Taylor Swift ក៏រងការរិះគន់ សម្រាប់ហេតុផលដូចគ្នា។

ម្ចាស់បទ «Snake Queen» រងការគេរិះគន់ចំពោះការប្រើប្រាស់យន្តហោះឯកជនជាប្រចាំ សូម្បីតែជើងហោះហើរខ្លីក៏ដោយ។ នេះបណ្តាលឲ្យមានការបំភាយកាបូនយ៉ាងច្រើន ជះឥទ្ធិពលអវិជ្ជមានដល់បរិស្ថាន និងបង្កើនការពិភាក្សាអំពីទំនួលខុសត្រូវរបស់តារាល្បីៗ និងមហាសេដ្ឋីក្នុងការប្រយុទ្ធប្រឆាំងនឹងការប្រែប្រួលអាកាសធាតុ។

ទោះ​បី​ជា​យ៉ាង​ណា​ ក៏​មាន​មតិ​មួយ​ចំនួន​ដែល​ថា ​មតិ​សាធារណៈ​កំពុងចង​គំនុំ​ទៅ​លើ G-Dragonពេក ទាំងដែលនេះជាយន្តហោះឯកជនរបស់គាត់ក្នុងនាមជាតារា Kpop ល្បីល្បាញដែលត្រូវទៅណាមកណា តែងតែងយាន្តជំនិះផ្ទាល់ខ្លួនគឺជារឿងធម្មតាហើយ៕

អត្ថបទ៖ សាង ស្រីល័ក្ខ

ចុចអាន៖អតីតសមាជិកក្រុមចម្រៀងល្បីជំនាន់ ឆ្នាំ២០០០ រងការចោទថា ផិតក្បត់ប្រពន្ធ-កូន