ប្រជ្រុយលើដងខ្លួនចំនួន ៦កន្លែង ជាកំណប់ទ្រព្យដ៍កម្រ បើមានវា ម្ចាស់ខ្លួននឹងជួបលាភធំ

នរវិទ្យាជឿថា បើមានប្រជ្រុយលេចឡើងលើទីតាំងដ៏កម្រទាំង ៦ ដូចខាងក្រោម មានន័យថា ម្ចាស់ខ្លួនជាមនុស្សពោរពេញដោយលាភសក្ការៈ ងាយមានទ្រព្យសម្បត្តិហូរហៀរ ដេកចាយស្រួលសឹងមួយជីវិត។

ប្រជ្រុយនៅកណ្ដាលក្បាល

ប្រជ្រុយនៅលើក្បាល ឬនៅកណ្ដាល​ក្បាល​ ជាប្រជ្រុយកម្រណាស់ ហើយបើនរណាមានវា នោះងាយនឹង​ទទួល​សំណាង​ជាទីបំផុត។ ពួកគេកើតមកសម្បូរទេពកោសល្យក្នុងវិស័យជាច្រើន ដូច្នេះនៅពេលដែលពួកគេឈានដល់ពេលពេញវ័យ ពួកគេតែងតែមានអំណាច និងកេរ្តិ៍ឈ្មោះនៅក្នុងសង្គម។

ប្រជ្រុយលាក់នៅក្នុងរោមចិញ្ចើម

ស្រដៀងគ្នាទៅនឹងទីតាំងកណ្ដាលក្បាលដែរ ប្រជ្រុយលាក់នៅរោមចិញ្ចើមក៏ត្រូវបានចាត់ទុកជាទីតាំងល្អបំផុតរបស់ម្ចាស់ខ្លួន។ មនុស្សដែលមានប្រជ្រុយនេះ ច្រើនតែបានសម្ដីឬពូកែវោហាសព្ទ និងមានទំនាក់ទំនងការទូតយ៉ាងល្អ។

ក្នុងវិស័យហិរញ្ញវត្ថុ ពួកគេងាយទទួលបានជោគជ័យលើការជួញដូរ និងការធ្វើអាជីវកម្ម។ អាច​និយាយ​បាន​ថា ​ពេល​ឈាន​ចូល​ដល់​ពេល​ពេញ​វ័យ ផ្លូវ​នៃ​សំណាង​សម្រាប់​មនុស្ស​ជំពូកនេះ​គឺ​រលូន​ខ្លាំង​។ ប្រសិនបុរស ​ជាមនុស្សមាន​ភាព​ស្វាហាប់ និង​​រឹងមាំ​បាន​ដោយ​ខ្លួនឯង​។ សម្រាប់មនុស្សស្រី កេរ្តិ៍ឈ្មោះរបស់នាងងាយល្បីល្បាញ។

ប្រជ្រុយនៅកណ្តាលខ្នង

ប្រជ្រុយដែលលេចឡើងនៅកណ្តាលខ្នង ក៏ជាប្រផ្នូលដ៏ល្អមួយជួយឲ្យម្ចាស់ខ្លួនឈានទៅគ្រប់ទិសទីយ៉ាងជោគជ័យ។ អាចនិយាយបានថា មិនថាស្រី ឬប្រុសនោះទេ ពេលមានប្រជ្រុយនៅទីតាំងនេះ គឺជាបុគ្គលនាំទ្រព្យសម្បត្តិហូរហៀរមកក្នុងផ្ទះ។ ជាពិសេស​មនុស្ស​​ដែលមាន​ប្រជ្រុយ​​នៅ​កណ្តាល​ខ្នង មិនថាពួកគេធ្វើអ្វី និងប្រតិបត្តិការក្នុងវិស័យណាក៏ដោយ នឹងទទួល​បាន​ជោគជ័យច្រើនបំផុត។

ប្រជ្រុយនៅលើបាតដៃ

ប្រជ្រុយ​ដែល​លេច​ចេញ​នៅ​បាតដៃ​ក៏​ជា​ទីតាំង​នាំ​សំណាង​ដល់​ម្ចាស់​ផង​ដែរ។ មនុស្សភាគច្រើនដែលមានប្រជ្រុយនៅត្រង់នេះ ច្រើនតែជាមនុស្សឆ្លាតវៃ ជាពិសេសពួកគេពូកែគិតលេខ និងគ្រប់គ្រងហិរញ្ញវត្ថុ។ មនុស្ស​ប្រភេទនេះពូកែ​​រកលុយ និងចេះ​ចាយវាយ​ណាស់​។ ដោយសារពូកែផ្នែកលុយ ជីវិតរបស់ពួកគេមានភាពសម្បូរហូរហៀរ មិនសូវខ្វះខាតឡើយ។

ប្រជ្រុយនៅលើស្លឹកត្រចៀក

ប្រជ្រុយ​ដែល​លេច​លើស្លឹក​ត្រចៀក ​ជា​សញ្ញា​បញ្ជាក់​ថា ម្ចាស់​ខ្លួននឹងរស់លើគំនរ​ទ្រព្យ​សម្បត្តិ។ មិនថាប្រុសឬស្រី ពួកគេកើតមកមានជោគវាសនាសម្បូរណ៍បែប ជីវិតរបស់ពួកគេពោរពេញដោយផាសុកភាព និងសុភមង្គល។ លើសពីនេះ ដោយសារភាពរហ័សរហួន និងពូកែខាងសម្ដី ពួកគេច្រើនតែរីកចម្រើនក្នុងវិស័យជំនួញ។

ប្រជ្រុយនៅលើឆ្អឹងថ្គាម

ប្រជ្រុយនៅលើឆ្អឹងថ្គាម ងាយនឹងទទួលលាភសំណាង ក្នុងវិស័យពាណិជ្ជកម្ម និងអាជីវកម្ម។ ក្រៅ​ពី​លាភ​សំណាង​ក្នុង​ការ​ជួញ​ដូរ​ឬមុខ​ជំនួញ​ហើយ​នោះ នៅពេលដែលពួកគេឈានដល់វ័យកណ្តាល អាជីពរបស់ពួកគេកាន់តែជោគជ័យខ្លាំង ជីវិតរបស់ពួកគេកាន់តែមានសុភមង្គល ហើយលុយកាក់ចាយវាយកាន់តែច្រើន៕

អត្ថបទ៖ សន្យា

ចុចអាន៖ ប្រជ្រុយបរិវេណផ្ចិតទាំង ៥ ទីតាំង បុរាណចារជាមនុស្សសំណាងខ្លាំង

ចុចអាន៖ នារីមានប្រជ្រុយលើដើមទ្រូងទាំង ៤កន្លែងនេះ ជាមនុស្សសំណាងធំ