ព័ត៌មានជាតិ

ការអភិវឌ្ឍ កោះនរា នឹងចំណាយថវិកា ប្រមាណ២៥០០លានដុល្លារ

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

រាជរដ្ឋាភិបាលកម្ពុជា បានប្រគល់សិទ្ធិឲ្យក្រុមហ៊ុន OCIC ធ្វើការអភិវឌ្ឍកោះ នរា ជាទីក្រុងរណបថ្មីមួយ ដែលសម្បូរដោយពាណិជ្ជកម្ម និងសេដ្ឋកិច្ច ខណៈតំបន់អភិវឌ្ឍន៍ថ្មីនេះ អាចចូលរួមចំណែកដល់ផលិតផលក្នុងស្រុកសរុប ជាង២០០លាន ដុល្លារអាមេរិក ក្នុង១ឆ្នាំៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា ពង់ ឃាវសែ ប្រធានក្រុមហ៊ុន OCIC មានប្រសាសន៍ថា គម្រោងអភិវឌ្ឍន៍កោះនរា នឹងផ្ដល់អត្ថប្រយោជន៍សេដ្ឋកិច្ចសង្គមដល់កម្ពុជា ពិសេសក្នុងកាលៈទេសៈ លំបាកផ្នែកសេដ្ឋកិច្ច ខណៈកម្ពុជា កំពុងត្រូវការ ការវិនិយោគជាច្រើន ដើម្បីទ្រទ្រង់សកម្មភាពសេដ្ឋកិច្ច ឲ្យបានរឹងមាំ។

តាមការថ្លែងរបស់អ្នកឧកញ៉ា ពង់ ឃាវសែ បានឲ្យដឹងថា គំរោងអភិវឌ្ឍន៍កោះនរា អាចអនុញ្ញាតឲ្យពលរដ្ឋរស់នៅបានប្រមាណ៥ម៉ឺននាក់ ដោយគ្រោងចំណាយថវិកាសរុប ២៥០០លានដុល្លារ ខណៈថវិកាជិត៥៥០លានដុល្លារ នៃការសាងសង់ហេដ្ឋារចនាសម្ព័ន្ធ រយៈពេល៣ឆ្នាំដំបូង ត្រូវបានប៉ាន់ស្មានថា អាចរួមចំណែកដល់ផលិតផលក្នុងស្រុកសរុប ប្រមាណ២២៥លានដុល្លារ ក្នុង១ឆ្នាំៗ។

គម្រោងលើផ្ទៃដី ប្រមាណ១០០ហិកតានេះ នឹងប្រើកម្លាំងពលកម្ម៧០០នាក់ នឹងអាចឡើងដល់៧០០០នាក់ នៅពេលមានការសាងសង់ពេញទំហឹង ខណៈតំបន់នេះ ក៏នឹងបង្កើតការងារប្រមាណ១ម៉ឺនកន្លែងផងដែរ៕