វៀតណាម កំណត់កំណើន GDP ពី ៦ ទៅ ៦.៥ ភាគរយនៅឆ្នាំ ២០២៤

វៀតណាមបានកំណត់គោលដៅកំណើនផលិតផលក្នុងស្រុកសរុប (GDP) ក្នុងឆ្នាំ ២០២៤ ចន្លោះពី ៦ ទៅ ៦.៥ ភាគរយ និងគោលដៅកម្រិត​អតិផរណា​ត្រឹម ៤ ទៅ ៤.៥ ភាគរយ ជាពិសេសនឹងបង្កើនផលិតផលក្នុងស្រុកសរុប (GDP) សម្រាប់មនុស្សម្នាក់ចន្លោះពី ៤,៧០០ ដុល្លារទៅ​​​ ៤,៧៣០ ដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះ សមាមត្រការផលិត និងដំណើរការនៃផលិតផលក្នុងស្រុកសរុបនៅឆ្នាំនេះ ត្រូវបានកាត់បន្ថយពី ១.៣ ទៅ ១.៦ ភាគរយ​ ខណៈនៅឆ្នាំក្រោយពី ២៤.១ ទៅ ២៤.២ ភាគរយ ។ ចំណែកគោលដៅកំណើនផលិតភាពការងារត្រូវបានកាត់បន្ថយពី ០.២ ទៅ ០.៧ ភាគរយមក ៤.៨ ទៅ ៥.៣ ភាគរយ ។

ពាក់ព័ន្ធនឹងបញ្ហានេះ ប្រធានគណៈកម្មាធិការសេដ្ឋកិច្ចនៃរដ្ឋសភាវៀតណាម លោក Vu Hong Thanh បានលើកឡើងថា គោលដៅខ្ពស់បែបនេះ គឺដើម្បីបង្ហាញពីការប្ដេជ្ញាចិត្តរបស់រដ្ឋាភិបាលក្នុងការបន្តកិច្ចខិតខំប្រឹងប្រែងរបស់ខ្លួនក្នុងការស្តារសេដ្ឋកិច្ចឡើងវិញ ។

លោកបន្ថែមថា គោលដៅខ្ពស់ គឺផ្អែកលើសញ្ញាសេដ្ឋកិច្ចវិជ្ជមាននាពេលបច្ចុប្បន្ន ដូចជាការងើបឡើងវិញយ៉ាងខ្លាំងក្នុងការវិនិយោគ ការប្រើប្រាស់ ទេសចរណ៍ និងការនាំចេញ ហើយវឌ្ឍនភាពនៃគម្រោងហេដ្ឋារចនាសម្ព័ន្ធសំខាន់ៗជាច្រើនកំពុងត្រូវបានពន្លឿនផងដែរ ។

ទោះយ៉ាងណា ការកំណត់គោលដៅខ្ពស់បែបនេះ ក៏នាំឲ្យសមាជិក​សភាចេញមកប្រឆាំង និងសម្តែងការព្រួយបារម្ភផងដែរ ហើយថែមទាំងបានស្នើឲ្យរក្សានៅកម្រិត ៥ ទៅ ៦ ភាគរយជំនួសវិញ ៕

ប្រែសម្រួល៖ នាង រតនៈ

ប្រភព៖​ VN Express