Connect with us

សេដ្ឋកិច្ច

​ខ្ញីឡើងថ្លៃគុណនឹង ៤ ​មួយគីឡូ​ជាង ១ ម៉ឺនរៀល​

បានផុស

នៅ

​តម្លៃខ្ញី​មានភាពល្អប្រសើរឡើងវិញ ​បន្ទាប់ពីធ្លាក់ចុះខ្លាំង ​កាលពីជាងមួយឆ្នាំមុន។ ​តាមការឱ្យដឹង​ពីអ្នកដាំ និងអាជីវករប្រាប់ថា ​បច្ចុប្បន្នទីផ្សារខ្ញីបានឡើងថ្លៃសឹងមួយគុណនឹង ៤ ​បន្ទាប់ពីធ្លាក់ចុះ​កាលពីឆ្នាំ ២០២២។​

​លោក ម៉ិច សីហា អគ្គនាយកវិទ្យាស្ថានអន្តរជាតិ អាយឃី បានប្រាប់ថា មានការបញ្ជាទិញខ្ញី​តាម​ប្រព័ន្ធ​អនឡាញជាង ២០០ គីឡូពីចម្ការរបស់លោក។ ​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបញ្ជាក់ថា ឆ្នាំមុនៗតម្លៃខ្ញីមួយគីឡូត្រឹមតែ ២ ៥០០ រៀលប៉ុណ្ណោះ ប៉ុន្តែឆ្នាំនេះ ខ្ញីឡើង​ថ្លៃដល់ ១ ម៉ឺនរៀល ដែលជាតម្លៃល្អ ធ្វើឱ្យជីវភាព​ពលរដ្ឋ​អ្នកដាំខ្ញីធូរធារ។ អាជីវករលក់ក្នុងផ្សារបានប្រាប់ថា តម្លៃខ្ញីលក់នៅលើទីផ្សារ ១ ២០០០ រៀលក្នុងមួយគីឡូ។

បើយោងតាមតារាងតម្លៃរបស់ធនាគារអភិវឌ្ឍជនបទ (ARDB) បង្ហាញថា មើមខ្ញីមានតម្លៃចន្លោះពី ១ ៣០០០-១៤០០០ រៀលក្នុងមួយគីឡូ។

​លោក ឃឹម ហ្វីណង់ ​អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាន៍នៅថ្ងៃទី ០៧ ខែមិថុនា ២០២៤ថា ​ឆ្នាំនេះ តម្លៃកសិផល ​មានការកើនឡើងជាងឆ្នាំកន្លងទៅបន្តិច ​ដោយសារ​តែតម្រូវការបន្លែក្នុងស្រុកឥឡូវមានច្រើន​ បន្ទាប់ពីមានការជំរុញពីរដ្ឋាភិបាល។ លោកបញ្ជាក់ថា ​អ្វីដែលរដ្ឋាភិបាលបារម្ភនោះ គឺការបែងចែករវាងបន្លែក្នុងស្រុក ​និងបន្លែនាំ​ចូលទៅវិញ។ ​

​លោក ឃឹម ហ្វីណង់ ​បន្ថែមថា ផលប៉ះពាល់ផ្សេងទៀតនោះ គឺកត្តាអាកាសធាតុ បានធ្វើឱ្យទិន្ន​ផលដំណាំធ្លាក់ចុះ ដូចជាដំណាំមួយចំនួនកន្លងមក មានសណ្ដែកគួ ​និងដំណាំមួយចំនួនទៀត។​

​លោក ឃឹម ហ្វីណង់ បញ្ជាក់ថា សេដ្ឋកិច្ចទីផ្សារគឺតែងតែដូច្នេះឯង បើតម្រូវការកើនឡើង ការផ្គត់​ផ្គង់​ថយចុះ ប្រាកដជារុញតម្លៃឱ្យកើនឡើងហើយ។

​នៅក្នុង​ឆ្នាំ​ ២០២៣​ វិស័យ​កសិកម្ម​​រក្សាបាន​ការរួម​ចំណែក​ក្នុង​រង្វង់ ​២២​ ភាគរយ នៃ​ផលិតផល​សរុប​ក្នុងស្រុក​ បើទោះបី​ទទួលរង​ផលប៉ះពាល់​ពី​គ្រោះ​ធម្មជាតិ ការប្រែប្រួល​អាកាស​​ធាតុ និង​វិបត្តិ​សកល​។​

​លោក ឃឹម ហ្វីណង់ ​បញ្ជាក់ថា វិស័យកសិកម្មមានកំណើនតិចតូចណាស់សឹងតែ ១% ប៉ុណ្ណោះ ពីមួយ​ឆ្នាំទៅមួយឆ្នាំ ​ខណៈទំហំផ្ទៃដីដាំដុះគឺនៅដដែល៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ៩ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

សន្តិសុខសង្គម៨ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ៤ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

ព័ត៌មានជាតិ២៥ នាទី មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

Sokha Hotels

ព័ត៌មានពេញនិយម