ព័ត៌មានអន្ដរជាតិ

ធនាគារកណ្តាលសិង្ហបុរីព្យាករកំណើនសេដ្ឋកិច្ចជិត ៣ ភាគរយ ឆ្នាំនេះ

បានផុស

២ years មុន

នៅ

ថ្ងៃសុក្រ ១៣ កញ្ញា ២០២៤

ដោយ

ប្រធានធនាគារកណ្តាលសិង្ហបុរី បានឱ្យដឹងថា សេដ្ឋកិច្ចរបស់ប្រទេសទំនងជានឹងកើនឡើងលឿនជាងការព្យាករណ៍។ នេះបើតាមការចុះផ្សាយរបស់កាសែត Financial Times។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកគ្រប់គ្រងអាជ្ញាធររូបិយវត្ថុសិង្ហបុរី (MAS) លោក Chia Der Jiun បានថ្លែងនៅថ្ងៃសុក្រថា កំណើនសេដ្ឋកិច្ចនឹងខិតទៅជិត ៣ ភាគរយ ជាជាងនៅជិត ២ ភាគរយ នៅឆ្នាំនេះ។

កាលពីខែកក្កដា MAS បានបង្កើនព្យាកររបស់ខ្លួន ពីកំណើនត្រឹមរង្វង់ ១-៣ ភាគរយ ដល់ ២-៣ ភាគរយ នៅឆ្នាំនេះ។ ការលើកឡើងរបស់លោក Chia បង្ហាញថា សេដ្ឋកិច្ចសិង្ហបុរីបុរីនឹងកើនឡើងដល់កម្រិតខ្ពស់បំផុតនៃការព្យាករ។

គេមើលឃើញថា ការបង្កើនទស្សនវិស័យសេដ្ឋកិច្ចរបស់បុរីរដ្ឋមួយនេះ ធ្វើឡើងដោយផ្អែកលើទិន្នន័យវិជ្ជមានលើការនាំចេញ និងអតិផរណា ចាប់តាំងពីខែសីហាមក។ អ្នកសេដ្ឋកិច្ចនិយាយថា ភាពធន់នៃវិស័យសេវាកម្ម និងផលិតកម្មរបស់ប្រទេសសិង្ហបុរី នឹងជួយគាំទ្រដល់កំណើនសេដ្ឋកិច្ចរបស់ប្រទេសនេះនៅពេលខាងមុខ៕