ព័ត៌មានអន្ដរជាតិ
តម្រូវការមាសសកលកើនខ្ពស់បំផុតឆ្នាំមុន រំពឹងបន្តកើនឡើងឆ្នាំនេះ
ក្រុមប្រឹក្សាមាសពិភពលោក បានឱ្យដឹងក្នុងរបាយការណ៍ប្រចាំឆ្នាំរបស់ខ្លួនថា តម្រូវការមាសរបស់ពិភពលោកបានកើនឡើងខ្ពស់បំផុតក្នុងកំណត់ត្រានៅឆ្នាំ ២០២៤ ដោយសារតែការទិញរបស់បណ្ដាធនាគារកណ្ដាល និងកំណើននៃតម្រូវការវិនិយោគ។ នេះបើតាមការចុះផ្សាយរបស់បណ្ដាញព័ត៌មាន CNBC។
របាយការណ៍បង្ហាញថា ប្រតិបត្តិការជួញដូរមាសសរុប មានចំនួន ៤ ៩៧៤ តោន កាលពីឆ្នាំមុន ធៀបនឹង ៤ ៨៩៩ តោន ក្នុងឆ្នាំ ២០០២៣ ដោយរួមបញ្ចូលទាំងការវិនិយោគក្រៅផ្សារហ៊ុន (OTC) ផងដែរ។
លោក Shaokai Fan ប្រធានធនាគារកណ្តាលពិភពលោកនៅក្រុមប្រឹក្សាមាសពិភពលោក បានមានប្រសាសន៍ថា៖ «ក្នុងឆ្នាំ ២០២៤ តម្រូវការមាសសកលបានកើនឡើងដល់កម្រិតខ្ពស់ប្រចាំត្រីមាស និងជាកំណត់ត្រាសរុបប្រចាំឆ្នាំថ្មី ដែលជំរុញដោយភាពមិនប្រាកដប្រជានៃភូមិសាស្ត្រនយោបាយ និងសេដ្ឋកិច្ច»។
ធនាគារជាតិនៃប៉ូឡូញ គឺជាអ្នកទិញមាសនាំមុខគេក្នុងចំណោមធនាគារកណ្តាលទាំងអស់ ដោយបន្ថែមមាសប្រមាណ ៩០ តោន ទៅក្នុងទុនបម្រុងរបស់ខ្លួន។ ធនាគារកណ្តាលរបស់តួកគី ឈរនៅលេខរៀងបន្ទាប់ ដោយទិញមាសប្រមាណ ៧៥ តោន សម្រាប់ទុនបម្រុង និងបន្ទាប់មកទៀត គឺឥណ្ឌា។
ការវិនិយោគសរុបប្រចាំឆ្នាំលើមាស បានកើនឡើង ២៥ ភាគរយ ដល់កម្រិតខ្ពស់បំផុតរយៈពេល ៤ ឆ្នាំ ដល់ប្រមាណ ១ ១៨០ តោន។ ដូចគ្នានេះដែរ តម្រូវការកាក់ និងដុំមាស នៅតែរឹងមាំ ដោយតម្រូវការខ្លាំងពីប្រទេសចិន និងឥណ្ឌា។
តម្រូវការមាសនៅចិនរឹងមាំ ដោយសារតែវិនិយោគិនចិនពិបាកនឹងស្វែងរកជម្រើសវិនិយោគផ្សេងទៀត នៅពេលមានភាពមិនប្រាកដប្រជានៃសេដ្ឋកិច្ច ការប្រែប្រួលទីផ្សារភាគហ៊ុន និងទិន្នផលសញ្ញាប័ណ្ណរដ្ឋាភិបាលទាប។ នៅឥណ្ឌា តម្រូវការមាសបានកើនឡើង បន្ទាប់ពីរដ្ឋាភិបាលបានកាត់បន្ថយពន្ធនាំចូលពី ១៥ ភាគរយ មកត្រឹម ៦ ភាគរយ កាលពីខែកក្កដា។
ការវិនិយោគមាស ក៏បានកើនឡើងក្នុងបណ្តាប្រទេសអាស៊ានដែរ ដោយកំណើននៅសិង្ហបុរី ឥណ្ឌូណេស៊ី ម៉ាឡេស៊ី និងថៃ ហក់ឡើង២ខ្ទង់។
យ៉ាងណាមិញ របាយការណ៍ថា តម្រូវការមាសក្នុងវិស័យគ្រឿងអលង្ការដែលរងនូវសម្ពាធតម្លៃកាន់តែខ្ពស់ បានធ្លាក់ចុះ ១១ ភាគរយ ធៀបនឹងឆ្នាំមុន។ អ្នកវិភាគរបស់ក្រុមប្រឹក្សាមាស បាននិយាយថា តម្រូវការគ្រឿងអលង្ការមាសទំនងជានឹងបន្តខ្សោយនៅឆ្នាំនេះ ដោយសារកម្សោយនៃការចំណាយរបស់អ្នកប្រើប្រាស់ នៅពេលតម្លៃមាសឡើងខ្ពស់ ហើយសេដ្ឋកិច្ចទន់ខ្សោយ។
ទោះជាយ៉ាងណាក៏ដោយ អ្នកវិភាគទីផ្សារជាន់ខ្ពស់របស់ក្រុមប្រឹក្សាមាសពិភពលោក លោក Louise Street បានរំពឹងថា ធនាគារកណ្តាលនឹងនៅតែបន្តជំរុញតម្រូវការមាសក្នុងឆ្នាំ ២០២៥ ជាពិសេសប្រសិនបើអត្រាការប្រាក់ទាបជាងនាពេលបច្ចុប្បន្ន។ ចំណែកឯរបាយការណ៍របស់ក្រុមប្រឹក្សានិយាយថា តម្រូវការវិនិយោគសរុបទំនងជានៅតែរឹងមាំ ដោយអត្រាការប្រាក់ទាប នឹងបន្តធ្វើឱ្យមាសមានភាពទាក់ទាញសម្រាប់ការវិនិយោគ៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង