ព័ត៌មានអន្ដរជាតិ

ចិន ឥណ្ឌា គ្រោងបើកការហោះហើរត្រង់ឡើងវិញ ក្រោយផ្អាក ៥ ឆ្នាំ

បានផុស

៨ ខែ មុន

នៅ

ថ្ងៃសុក្រ ៣ តុលា ២០២៥

ដោយ

ក្រសួងការបរទេសឥណ្ឌាបានឱ្យដឹងកាលពីថ្ងៃព្រហស្បតិ៍ថា ឥណ្ឌា និងចិនក្នុងខែនេះ នឹងចាប់ផ្តើមបើកការហោះហើរត្រង់ឡើងវិញរវាងទីក្រុងដែលបានកំណត់ ក្រោយផ្អាកអស់រយៈពេលជាង ៥ ឆ្នាំ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានបន្ថែមថា វាគឺជាផ្នែកមួយនៃគោលនយោបាយរបស់រដ្ឋាភិបាលឥណ្ឌា ឆ្ពោះទៅរកការធ្វើឱ្យប្រក្រតីភាពបន្តិចម្តងៗនៃទំនាក់ទំនងរវាងឥណ្ឌា និងចិន»។

ប្រទេសទាំង២ បានបិទជើងហោះហើរត្រង់ដោយសារតែវិបត្តិកូវីដ១៩ ហើយបន្តបិទជុំវិញភាពតានតឹងទំនាក់ទំនងក្រោយជម្លោះប្រដាប់អាវុធក្នុងឆ្នាំ ២០២០។

ទាក់ទិញនឹងបញ្ហានេះផងដែរ ក្រុមហ៊ុនអាកាសចរណ៍ធំបំផុតរបស់ឥណ្ឌា IndiGo បាននិយាយថា ខ្លួននឹងចាប់ផ្តើមជើងហោះហើរត្រង់ជារៀងរាល់ថ្ងៃរវាងពីក្រុងកុលកាតា ទៅក្រុង ក្វាងចូវ របស់ចិន នៅថ្ងៃទី ២៦ ខែតុលា។ ក្រុមហ៊ុនក៏គ្រោងនឹងចាប់ផ្តើមផ្លូវហោះហើរ ញូវដេលី-ក្វាងចូវ ផងដែរ។

ការប្រកាសពីការបើកជើងហោះហើរត្រង់ឡើងវិញនេះ ធ្វើឡើងក្រោយនាយករដ្ឋមន្រ្តីឥណ្ឌា លោក ណារិនដ្រា មូឌី បានធ្វើដំណើរទៅចិនកាលពីចុងខែសីហា ដើម្បីចូលរួមកិច្ចប្រជុំអង្គការកិច្ចសហប្រតិបត្តិការសៀងហៃ។

កាលនោះ លោក មូឌី និងប្រធានាធិបតីចិន លោក ស៊ី ជីនពីង បានព្រមព្រៀងគ្នាថា ឥណ្ឌា និងចិនគឺជាដៃគូអភិវឌ្ឍន៍ មិនមែនជាគូប្រជែងនោះទេ ហើយបានពិភាក្សាអំពីវិធីពង្រឹងទំនាក់ទំនងពាណិជ្ជកម្មចំពេលមានភាពមិនប្រាកដប្រជានៃពន្ធសកលរបស់សហរដ្ឋអាមេរិក។