ជីវិតកម្សាន្ដ

ករុណា ពេជ្រ ចែកអំណោយជូនពលរដ្ឋកំពុងធ្វើចត្តាឡីស័កនាទឹកដីខេត្តកំពង់ស្ពឺ

បានផុស

៤ years មុន

នៅ

ថ្ងៃចន្ទ ១០ ឧសភា ២០២១

ដោយ

ដោយមើលឃើញពីទុក្ខលំបាករបស់បងប្អូនប្រជាពលរដ្ឋជាច្រើនគ្រួសារដែលកំពុងធ្វើចត្តាឡីស័ករយ:ពេល១៤ថ្ងៃនៅទឹកដីខេត្តកំពង់ស្ពឺ តារាប្រុសលោក ករុណា ពេជ្រ បាននាំយកអំណោយទៅចែកជូនដល់ពួកគាត់ដើម្បីសម្រួលជីវភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយដែលត្រូវបានលោក ករុណា ពេជ្រ នាំយកទៅចែកជូនបងប្អូនពលរដ្ឋចំនួន៦០នាក់ ដែលកំពុងធ្វើចត្តាឡីស័ក១៥ថ្ងៃ ស្ថិតនៅក្នុងវិទ្យាល័យ បាត់ដឹង ឃុំក្រេមក្សាន្ត ស្រុកឧត្តុង្គ រួមមាន, អង្ករ១០គីឡូ ,មីមួយកេះ, ត្រីខ១០កំប៉ុង, ទឹកត្រីមួយយួរ, ក្រម៉ាមួយ ,សាប៊ូដុះខ្លួន២ដុំ ,ច្រះដុសធ្មេញថ្នាំដុះធ្មេញជាដើម។

លោកនិយាយថា នេះជាទឹកចិត្តបន្តិចបន្តូចរបស់លោករួមជាមួយសប្បុរសជនដើម្បីភ្ជាប់និស្ស័យក្នុងពេលមានទុក្ខសម្រួលការលំបាកខ្លះជាមួយបងប្អូនអ្នកបាត់ដឹង កំពង់ស្ពឺសម្រាប់សម្រួលដល់បងប្អូនមួយគ្រានេះបន្ថែមពីលើការយកចិត្តទុកដាក់របស់អាជ្ញាធរមូលដ្ឋានផ្ទាល់។

លោក ករុណា ពេជ្រ ក៏បានអំពាវនាវដែរថា សូមបងប្អូនចូលរួមអនុវត្តទាំងអស់គ្នាតាមរយ:៣កុំ៣ការពារដើម្បីកាត់ផ្តាច់ការរីករាលដាលឆ្លងនូវជំងឺកូវីដ- ១៩ក្នុងភូមិស្រុករបស់យើង។ ចុងក្រោយមានតែជូនពរបងប្អូនសូមមានសុខភាពល្អ៕

អត្ថបទ ៖ ចាន់រ៉ា