កូវីដ-១៩
ខ្វះវីតាមីនមួយនេះ ទើបងាយឆ្លងជំងឺកូវីដ-១៩ ធ្ងន់ធ្ងរ
រាងកាយយើងត្រូវការវីតាមីន និងជាតិរ៉ែសំខាន់ផ្សេងៗ ដើម្បីទ្រទ្រង់សុខភាពឲ្យបានរឹងមាំ ចៀសវាងពីការឆ្លងវីរុស និងជំងឺដទៃច្រើនទៀត។ តាំងពីមានការឆ្លងរាលដាលជំងឺកូវីដ-១៩មក មានការសិក្សាមួយចំនួនរកឃើញថា អ្នកជំងឺកូវីដ-១៩ ដែលមានរោគសញ្ញាធ្ងន់ធ្ងរ ភាគច្រើនខ្វះវីតាមីនមួយប្រភេទចាំបាច់សម្រាប់ប្រព័ន្ធភាពស៊ាំរឹងមាំវិញ។
ទាក់ទងនឹងបញ្ហានេះ លោកវេជ្ជបណ្ឌិត Leong Hoe Nam មានបទពិសោធន៍ខ្ពស់ក្នុងការព្យាបាលជំងឺឆ្លង នៃមន្ទីរពេទ្យ Mount Elizabeth នៃប្រទេសសឹង្ហបុរី បានឲ្យដឹងថា តាមរបាយការណ៍វិភាគថ្មីៗនេះបង្ហាញថា អ្នកជំងឺមួយចំនួនដែលបង្ហាញរោគសញ្ញាធ្ងន់ធ្ងរក្រោយឆ្លងជំងឺកូវីដ-១៩ គឺខ្វះវីតាមីនDនៅក្នុងរាងកាយ ជាងអ្នកជំងឺកូវីដ-១៩ តែមិនមានចេញរោគសញ្ញា។ ដូចនេះហើយ ប្រសិនបើនៅក្នុងរាងកាយយើងខ្វះជាតិវីតាមីន D ខ្លាំង ឱកាសក្នុងការឆ្លងជំងឺផ្សេងៗមានកម្រិតខ្ពស់ រហូតអាចប៉ះពាល់ដល់ជីវិតរបស់យើងថែមទៀតផង។
ទន្ទឹមនេះ តាមការសិក្សានៅសហរដ្ឋអាមេរិក ក្នុងចំណោមអ្នកជំងឺកូវីដ-១៩ ចំនួន២៣៥នាក់ បង្ហាញថា អ្នកជំងឺវ័យលើ ៤០ឆ្នាំដែលទទួលបានវីតាមីន D គ្រប់គ្រាន់ មានភាគរយ ៥១.៥% ក្នុងការមិនធ្លាក់ខ្លួនឈឺធ្ងន់ ជាងអ្នកជំងឺដែលមិនមានវីតាមីន D គ្រប់គ្រាន់ បន្ទាប់ពីឆ្លងវីរុសកូវីដ-១៩រួច។ បន្ថែមពីលើនេះ ក្នុងការសិក្សាមួយចំនួនបានអះអាងដែរថា កង្វះវីតាមីន D អាចប៉ះពាល់ទៅដល់ប្រព័ន្ធការពាររាងកាយយើង និងបង្កើនហានិភ័យក្នុងការឆ្លងជំងឺផ្លូវដង្ហើមខ្ពស់។ ចំណែកនៅក្នុងការសិក្សាលើមនុស្ស ១១.៣២១នាក់ មកពី ១៤ប្រទេស បានបង្ហាញថា អ្នកប្រើថ្នាំបំប៉នវីតាមីន D ជួយកាត់បន្ថយហានិភ័យឆ្លងជំងឺផ្លូវដង្ហើមធ្ងន់ធ្ងរ រហូតដល់ទៅ ១២%។
ហេតុនេះហើយ ទើបការទទួលបានវីតាមីន D គ្រប់គ្រាន់សម្រាប់រាងកាយគឺចាំបាច់ណាស់សម្រាប់សុខភាពយើង ប៉ុន្តែយើងត្រូវចាំថា ការទទួលបានវីតាមីន D គ្រប់គ្រាន់អាចជួយដល់ប្រព័ន្ធភាពស៊ាំរបស់យើងឲ្យធន់នឹងជំងឺ និងកាត់បន្ថយហានិភ័យក្នុងការឆ្លងជំងឺផ្លូវដង្ហើម តែវីតាមីន D តែមួយមុខមិនអាចការពារ ឬព្យាបាលជំងឺកូវីដ-១៩ ឲ្យបានជាសះស្បើយនោះទេ បើយើងឆ្លងជំងឺរួចហើយនោះ។
វេជ្ជបណ្ឌិតខាងលើបន្តទៀតថា វីតាមីន D ជាប្រភេទវីតាមីនដែលយើងទទួលបានពីពន្លឺព្រះអាទិត្យ ហើយដើម្បីទទួលវាបាន យើងត្រូវពាក់ស្លៀកពាក់ខោជើងខ្លី អាវដៃខ្លី និងត្រូវឈរហាលថ្ងៃក្រោមព្រះអាទិត្យយ៉ាងតិច ១៥-៣០នាទី/ថ្ងៃ ដើម្បីស្រូបយកវីតាមីន D ឲ្យបានគ្រប់គ្រាន់។ យើងក៏អាចទទួលបានវីតាមីន D តាមរយៈអាហារដូចជា ត្រីខ្លាញ់ (សាល់ម៉ុន ត្រីសាឌីន…) ថ្លើមសត្វ និងស៊ុត។ល។ ចំពោះកម្រតិដែលយើងគួរទទួលបាននោះគឺ ២០០០-៤០០០ IU/ថ្ងៃ សម្រាប់មនុស្សធំ និង១០០០IU/ថ្ងៃ សម្រាប់កូនក្មេង៕
អត្ថបទផ្ដល់សិទ្ធិ៖ Hello គ្រូពេទ្យ
-
ព័ត៌មានជាតិ១ សប្តាហ៍ agoស្វែងយល់ពីប្រវត្តិ និងលក្ខណៈពិសេសនៃប្រាសាទតាកែវ
-
កីឡា២ ថ្ងៃ agoអបអរសាទរ! អេស្ប៉ាញ ជាជើងឯកពិភពលោក World Cup 2026 ក្រោយឈ្នះ អាហ្សង់ទីន
-
សន្តិសុខសង្គម១៨ ម៉ោង agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
ព័ត៌មានជាតិ៦ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ២ ថ្ងៃ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
កីឡា៣ ថ្ងៃ agoជ័យជម្នះប្រវត្តិសាស្ត្រ! កម្ពុជា ឈ្នះ ឥណ្ឌូណេស៊ី គ្រងជើងឯកពាន Sea V. Cup 2026
-
កីឡា៣ ថ្ងៃ agoលោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី
-
កីឡា៣ ថ្ងៃ agoស័ក្តិសមបំផុត! វឿន វាសនា ឈ្នះ ពានឯកត្តជន ២ ម្នាក់ឯង ក្រោយជួយកម្ពុជា គ្រងជើងឯក SEA V. Cup 2026