កូវីដ-១៩
បញ្ជាការដ្ឋានកងទ័ពជើងគោក ទទួលបានការឧបត្ថម្ភសម្ភារៈបរិក្ខារពេទ្យ ពីក្រុមហ៊ុនម៉ាឡេស៊ី
សម្ភារបរិក្ខាពេទ្យរួមមានគ្រែពេទ្យ (ទំហំ១ម៉ែត្រ ) ចំនួន១០០ ពូកចំនួន១០០ កំរាលពូកចំនួន១០០ ខ្នើយចំនួន១០០ និងភួយចំនួន១០០ ជាអំណោយរបស់ក្រុមហ៊ុនម៉ាឡេស៊ី PESTECH (Cambodia ) PLC ត្រូវបានប្រគល់ជូនបញ្ជាការដ្ឋានកងទ័ពជើងគោក ដែលមានលោកឧត្តមសេនីយ៍ឯក ហ៊ុន ម៉ាណែត ជាមេបញ្ជាការ។
ពិធីប្រគល់ និងទទួល បានធ្វើនៅបញ្ជាការដ្ឋានកងទ័ពជើងគោក នៅពីថ្ងៃទី២០ ខែឧសភា ឆ្នាំ២០២១ ក្រោមអធិបតីភាពលោកឧត្តមសេនីយ៍ឯក ខឹមជា សាឃឿន មេបញ្ជាការរង និងជានាយសេនាធិការកងទ័ពជើងគោក និងលោកជំទាវ Tann Sochan តំណាងក្រុមហ៊ុនម៉ាឡេស៊ី PESTECH ( Cambodia ) PLC។
ថ្លែងក្នុងពិធីនោះ លោកឧត្តមសេនីយ៍ឯក ខឹមជា សាឃឿន បានគូសបញ្ជាក់ថា កងទ័ពជើងគោក បានរួមចំណែកនៅក្នុងកិច្ចការធំៗជាច្រើន ទាំងការអនុវត្តវិធានការបិទខ្ទប់តាមសេចក្តីសម្រេចរបស់រាជរដ្ឋាភិបាល, ការរៀបចំមន្ទីរពេទ្យ-មណ្ឌលព្យាបាលជំងឺកូវីដ-១៩-មណ្ឌលចត្តាឡីស័ក និងការចុះចែកស្បៀងអាហារជាបន្តបន្ទាប់ដល់ប្រជាពលរដ្ឋនៅក្នុងតំបន់បិទខ្ទប់ និងចូលរួមក្នុងយុទ្ធនាការថ្នាក់ជាតិ ចាក់វ៉ាក់សាំង ដល់កងទ័ព គ្រួសារកងទ័ព និងចាក់ជូនដល់បងប្អូនប្រជាពលរដ្ឋដែលកំពង់រស់នៅក្នុងតំបន់ក្រហមដែលកំពុងដំណើរការជាជំហានៗ នៅក្នុងភូមិសាស្ត្ររាជធានីភ្នំពេញ។
លោកឧត្តមសេនីយ៍ឯក ខឹម ជាសាឃឿន បានសំដែងនូវអំណរគុណយ៉ាងជ្រាលជ្រៅចំពោះកាយវិការមនុស្សធម៌ របស់ក្រុមហ៊ុនម៉ាឡេស៊ី PESTECH ( Cambodia ) PLC ក្នុងការរួមចំណែកឧបត្ថម្ភសម្ភារៈដ៏ថ្លៃថ្លានេះ នឹងបានជួយសម្រួល និងផ្តល់លទ្ធភាពបន្ថែមមួយកម្រិតទៀតដល់កងទ័ពជើងគោក ដើម្បីបន្តបេសកកម្មរបស់ខ្លួន។
លោកបានចាត់ទុកសម្ភារៈបរិក្ខាពេទ្យដែលក្រុមហ៊ុនបានផ្តល់ដល់បញ្ជាការដ្ឋានកងទ័ពជើងគោកនាពេលនេះថា ពិតជាការផ្តល់ចំពេលវេលាមួយសមស្របដើម្បីជួយដល់កងទ័ពជើងគោក និងផ្ដល់គ្រប់លទ្ធភាពដល់អង្គភាពរបស់កងយោធពលខេមរភូមិន្ទ ក្នុងការចូលរួមចំណែកការពារ និងទប់ស្កាត់ការរីករាលដាលជំងឺកូវីដ-១៩។
លោកជំទាវ Tann Sochan តំណាងក្រុមហ៊ុនម៉ាឡេស៊ី PESTECH ( Cambodia ) PLC និងសហការី បានសម្តែងនូវចំណាប់អារម្មណ៍ដោយបានកោតសរសើរចំពោះការលះបង់របស់កងទ័ពជើងគោកទាំងអស់នៅក្នុងការទប់ស្កាត់ការរាត្បាតនៃជំងឺកូវីដ-១៩ ក្នុងពេលដ៏លំបាកចំពោះមុខនេះ។ លោកជំទាវ Tann Sochan បានចាត់ទុកការចូលរួម របស់កងទ័ពជើងគោក ជាមួយក្រសួងសុខាភិបាល គឺជាភារកិច្ចរួមក្នុងការប្រយុទ្ធប្រឆាំងនឹងជំងឺដ៏កាចសាហាវនេះ៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ