កូវីដ-១៩

ថៃឃាត់ខ្លួនពលករខ្មែរ១២នាក់ លួចឆ្លងដែនចូលទឹកដីថៃ ដោយខុសច្បាប់

បានផុស

៤ years មុន

នៅ

ថ្ងៃសៅរ៍ ២២ ឧសភា ២០២១

ដោយ

ពលករខ្មែរចំនួន១២នាក់ ដែលក្នុងនោះមានមនុស្សប្រុស ស្រី និងក្មេងៗផងនោះ ត្រូវបានកម្លាំងយោធាឈុតខ្មៅថៃ ឈរជើងតាមបន្ទាត់ព្រំដែនធ្វើការឃាត់ខ្លួន ខណៈដែលពលករខ្មែរទាំងនេះកំពុងលបឆ្លងដែនចូលទឹកដីថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួននេះបានធ្វើឡើងកាលពីល្ងាចថ្ងៃទី២១ ខែឧសភា ឆ្នាំ២០២១ ត្រង់ចំណុចភូមិទ័ពសៀម ឃុំតាប្រាក់យ៉ា ស្រុកតាប្រាក់យ៉ា ខេត្តស្រះកែវ ដែលក្នុងនោះមានពលករខ្មែរសរុបចំនួន១២ នាក់ ប្រុស៥ ស្រី៥និងក្មេង២នាក់ ។

តាមការរៀបរាប់បានបញ្ជាក់ថា ពួកគេទាំងអស់គ្នាត្រូវធ្វើដំណើរទៅធ្វើការជាកម្មករក្នុងចម្ការ នាខេត្តនគរ រ៉ាតសីមា ដែលក្នុងនោះមានចម្ការដំឡូង តាង៉ែន និងមៀន ជាដើម។

ក្រោយពីសមត្ថកិច្ចថៃបានត្រួតពិនិត្យទៅលើកម្ដៅដើម្បីទប់ស្កាត់ការឆ្លងរីករាលដាល នៃជំងឺកូវីដ-១៩ រួចមក ពលករទាំងអស់ ត្រូវបានបញ្ជូនឲ្យវិលត្រឡប់មកកម្ពុជាវិញ តាមច្រកអូរ៣ជាន់ នៃខេត្តបន្ទាយមានជ័យ ៕

អត្ថបទ ៖ សោ និយមរ័ត្ន