ជីវិតកម្សាន្ដ

ម្តាយតារាស្រីម្នាក់ វ័យជាង ៥០ ឆ្នាំ ដឹកដៃកូនកម្លោះជាង ៣០ ឆ្នាំ ចូលរោងការ

បានផុស

៤ years មុន

នៅ

ថ្ងៃអង្គារ ៨ កុម្ភៈ ២០២២

ដោយ

ពិតជារឿងដ៏គួរឲ្យចាប់អារម្មណ៍ថ្មីមួយទៀតហើយ ម្តាយតារាសម្តែងស្រី អេមី ដែលមានវ័យប្រមាណ ៥៥ ឆ្នាំទៅហើយនោះ បានសម្រេចដឹកដៃជាមួយកូនកម្លោះវ័យ ៣៦ ឆ្នាំចូលរោងការផ្អើលអ្នកសិល្បៈនិងអ្នកភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានបង្ហើបថា ម្តាយរបស់តារាស្រីកញ្ញា អេមី ដែលគ្រងឈុតកូនក្រមុំ គឺមានឈ្មោះ ឡុង សោភ័ណ្ឌ អាយុ ៥៥ ឆ្នាំ ជាស្ត្រីមេម៉ាយច្រើនឆ្នាំ មានកូន ២ នាក់ប្រុស ១។ ចំណែកខាងប្រុសជាកម្លោះឈ្មោះ ញឹក រដ្ឋា អាយុ ៣៦ ឆ្នាំមុខរបរលក់ខ្សាច់នៅខេត្ត។

ប្រភពបានបន្តថាជាការពិតកញ្ញា អេមី ពេលនេះបានសម្រេចរឿងមួយដែលនាងចង់បាននឹងត្រូវតែធ្វើឲ្យបាននោះ គឺតាមរយៈការរៀបចំពិធីមង្គលការយ៉ាងអធិកអធម និងសប្បាយរីករាយឲ្យអ្នកម្តាយមេម៉ាយច្រើនឆ្នាំ។ ពិធីមង្គលការនេះ បានធ្វើឡើងកាលពីថ្ងៃទី ០៧ ខែកុម្ភៈ ឆ្នាំ ២០២២ ម្សិលមិញ។

ដោយឡែកនៅលើទំព័រហ្វេសប៊ុករបស់តារាស្រីកញ្ញា អេមី ដែលមានឈ្មោះថា Ami Adama ក៏បង្ហោះរូបភាពនៃមង្គលការអមដោយសំណេរខ្លីថា ថ្ងៃនេះការម្តាយរបស់ខ្ញុំគឺជាថ្ងៃលាភជ័យកូនជូនពរម្តាយស្រលាញ់គ្នាដល់ចាស់កោងខ្នង។ បើតាមការបញ្ជាក់ពីកញ្ញា អេមី ដែលបានជះលុយក្បែរម៉ឺនដុល្លារចាត់ចែងមង្គលការអ្នកមានគុណ ដើម្បីបំពេញសេចក្តីសុខឲ្យគាត់បានប្រាប់ថា បំណងនាងចង់ឲ្យអ្នកមានគុណមានសេចក្តីសុខ គាត់ពេញចិត្តគ្នាហើយមិនអាចពន្យារពេលបានទៀតទេ ត្រូវតែចាត់ចែងឲ្យហើយ។ ៥ ឆ្នាំហើយដែលស្គាល់គ្នា ហើយនៅតែអឹមអៀនទើបនាងសម្រេច ចិត្តចាប់ដៃគ្នាក្រោមចំណងផ្កាស្លាតែម្តង៕