ជីវិតកម្សាន្ដ

សុខ ពិសី កាន់តែត្រូវប៉ាន់ទីផ្សារស្ពតធំៗនិងមុខជំនួញផ្ទាល់ខ្លួន

បានផុស

២ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

កញ្ញា សុខ ពិសី ដែលជាតារាចម្រៀងស្រីលំដាប់កំពូលរបស់សាន់ដេត្រូវបានគេចាត់ទុកថា នាងជារាជនីយសម្រស់ផងនោះ ស្រាប់តែឈានចូលដល់ដើមឆ្នាំ២០២២នេះភ្លាមនាងក៏កាន់តែត្រូវប៉ាន់ទីផ្សារស្ពតធំៗ និងមុខជំនួញផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះអាចចាត់ទុកថាជាជោគជ័យធំរបស់ សុខ ពិសី បន្ថែមទៀតបន្ទាប់ពីអាជីពសិល្ប:របស់នាងបច្ចុប្បន្នក៏នៅតែរក្សាបានសន្ទុះនៃការគាំទ្រនិងមានប្រជាប្រិយភាពខ្លាំងមិនចាញ់មិត្តភ័ក្ដិរួមជំនាន់ឡើយ។ដោយសារតែរវល់ច្រើនជាមួយការងារប្រចាំថ្ងៃទើប សុខ ពិសី ហាក់ស្រកសាច់បន្តិចនៅរយៈពេលជាង១ឆ្នាំចុងក្រោយនេះដែលធ្វើឲ្យរូបនាងក្លាយទៅជាមានរាងតូចច្រឡឹងគូរឲ្យគួរឲ្យស្រលាញ់។

រឿងដែលគួរឲ្យកត់សម្គាល់ទៀតនោះ កញ្ញា សុខ ពិសី នៅពេលនេះគឺនាងរឹតតែត្រូវប៉ាន់ថែមទៀតព្រោះថ្មីៗនេះ ពិសី ក៏ទើបបានចេញមុខក្លាយជាតំណាងឲ្យផលិតផលធំមួយយ៉ាងភ្ញាក់ផ្អើល។ ពិសី ត្រូវបានគេកត់សម្គាល់ថា នាងស្ថិតក្នុងចំណោមតារាស្រីដែលក្ដាប់បានទីផ្សារស្ពតធំៗអំឡុងរយៈពេលចុងក្រោយនេះក្នុងចំណោមអ្នកនាង ឱក សុគន្ធ កញ្ញា ពេជ្រ សោភា ,សុគន្ធ និសា ,រ៉េត ស៊ូហ្សាណា និងតន់ ច័ន្ទ សីម៉ា ជាដើម។

ក្រៅពីក្ដាប់បានស្ពតធំៗនោះ កញ្ញា សុខ ពិសី ក៏ជាអ្នកថតម៉ូដសម្អាងការដ៏មមាញឹកផងដែរទើបធ្វើឲ្យនាងអាចរកប្រាក់ចំណូលពីសម្អាងការនិងស្ពតបានជាច្រើនម៉ឺនដុល្លារក្នុង១ឆ្នាំៗ ខណៈដែលផលិតផលខ្លះរង់ចាំឲ្យតែនាងផុតកុងត្រាចាស់គេនឹងចូលមកចែចូវ។ ដោយឡែកទាក់ទងអាជីពចេញច្រៀងត្រូវបានតារាសាច់សខ្ចីដូចបណ្ដូលចេក សុខ ពិសី ធ្លា ប់ប្រាប់ថានាងមិនអាចកំណត់ពេលវេលាជាក់លាក់នៃការច្រៀងនិងសម្ដែងដូចមុនបាននោះទេ ព្រោះចាំឲ្យកូវីដស្ងប់ស្ងាត់ជាងនេះសិនទើបឡើងឆាកសារជាថ្មី៕

អត្ថបទ៖ ចាន់រ៉ា

Related Topics:កញ្ញា សុខ ពិសី