Angelina Jolie ជួបរឿងភ័យ សភ្នែក នៅ  អ៊ុយក្រែន (មានវីដេអូ)

តារាភាពយន្ដហូលីវូដ Angelina Jolie ​បាន​ប្រញាប់ប្រញាល់ ​ទៅ​កាន់​កន្លែង​សុវត្ថិភាព ដោយសារ​ភាពភ័យ​ខ្លាច​នៃ​ការ​វាយ​ប្រហារ​ដោយ​គ្រាប់មីស៊ីល ខណៈ​កំពុង​ធ្វើទស្សនកិច្ច​ ទៅ​កាន់​ទីក្រុង Lviv ភាគ​ខាង​លិច​ប្រទេស​អ៊ុយក្រែន។

នៅក្នុងវីដេអូ, Jolie អាយុ ៤៦ ឆ្នាំ ត្រូវបានគេមើលឃើញដើរយ៉ាងលឿន ជាមួយអ្នកផ្សេងទៀត ខណៈដែលស៊ីរ៉ែនព្រមានការវាយប្រហារពីអាកាស បានបន្លឺឡើង។

Jolie បានធ្វើការជាបេសកជនពិសេសសម្រាប់ទីភ្នាក់ងារជនភៀសខ្លួនរបស់អង្គការសហប្រជាជាតិ (UN) អស់រយៈពេលជាច្រើនឆ្នាំមកហើយ ប៉ុន្តែព័ត៌មានលម្អិតនៃដំណើររបស់នាងទៅកាន់ប្រទេសអ៊ុយក្រែននេះ គឺមិនត្រូវបានគេដឹងច្បាស់នោះទេ។

ទីក្រុង Lviv បានរងការវាយប្រហារពីកងទ័ពរុស្ស៊ីក្នុងប៉ុន្មានសប្តាហ៍ថ្មីៗ និងនៅដើមខែនេះ ការវាយប្រហារដោយមីស៊ីលលើទីក្រុង បានបណ្តាលឲ្យមនុស្សចំនួន៧នាក់ ស្លាប់។

គួរបញ្ជាក់ថា ក្នុងដំណើរទៅប្រទេសអ៊ុយក្រែន អ្នកស្រី Jolie ក៏បានជួបជាមួយកុមារកំព្រា និងជនភៀសខ្លួន រួមទាំងក្មេងៗដែលត្រូវបានជម្លៀសចេញពីទីក្រុង Mariupol ក៏ដូចជាអ្នកស្ម័គ្រចិត្ត និងគ្រូពេទ្យអ៊ុយក្រែនដែលថែទាំពួកគេផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប្រជាជនភ្ញាក់ផ្អើលខ្លាំង ពេលឃើញ Angelina Jolie ទៅដល់អ៊ុយក្រែនផ្ទាល់