ជីវិតកម្សាន្ដ
ហេតុតែស្រឡាញ់ ស្រ្តីរត់តាក់ស៊ី សន្សំលុយ៥ឆ្នាំ យកទៅចាក់សាក់ពេញខ្លួន
ដោយសារស្រឡាញ់សិល្បៈសាក់រូប អ្នកស្រី Kerstin Tristan វ័យ ៥៥ឆ្នាំ មកពី Leipzig ប្រទេសអាល្លឺម៉ង់ សុខចិត្តបេះពីមាត់ ពង្រាត់ពីក ដើម្បីយកលុយសន្សំពីការរត់តាក់ស៊ី មកចាក់សាក់សឹងពេញរាងកាយ។
អ្នកស្រី Kerstin ជាអ្នករត់តាក់ស៊ីម្នាក់ដែលមានចំណង់ចំណូលចិត្តលើស្នាមសាក់។ កាលពី ៥ឆ្នាំមុន អ្នកស្រីមានស្នាមសាក់តែមួយនៅលើដៃប៉ុណ្ណោះ ប៉ុន្តែបច្ចុប្បន្ននេះ រាងកាយរបស់អ្នកស្រីបានគ្របដណ្តប់ដោយស្នាមសាក់ ៩០ភាគរយឯណោះ។
ក្នុងរយៈពេល ៥ឆ្នាំ Kerstin Tristan បានប្រើលុយដែលសន្សំបានពីការរត់តាក់ស៊ីចំនួន ៤ម៉ឺនដុល្លារអាមេរិក ដើម្បីទទួលចាក់សាក់ពាសពេញខ្លួនប្រាណ។ ពីមុនអ្នកស្រីជាមនុស្សស្អប់ការទុកទឹកថ្នាំនៅលើរាងកាយខ្លាំងណាស់ ប៉ុន្តែដោយគិតថាការងារជាអ្នករត់តាក់ស៊ី គួរឱ្យធុញទ្រាន់ពេក ទើបអ្នកស្រីទៅទទួលសេវាចាក់សាក់ ដើម្បីឱ្យរាងកាយមានពណ៌ស្រស់ឆើតឆាយ ហើយក្រោយពីទទួលបានស្នាមសាក់លើកដំបូង ស្ត្រីវ័យចំណាស់រូបនេះ បានក្លាយជាមនុស្សញៀននឹងការសាក់។
Kerstin ជឿថាស្នាមសាក់បាននាំមកនូវថាមពលផ្លូវចិត្តដ៏អាថ៌កំបាំង និងជួយឱ្យមានអារម្មណ៍សប្បាយរីករាយ ហើយវាធ្វើឱ្យអ្នកស្រីក្មេងជាងវ័យជាមួយនឹងពណ៌ចម្រុះ។ បច្ចុប្បន្នរាងកាយទាំងមូលរបស់អ្នកស្រី Kerstin Tristan សុទ្ធតែស្នាមសាក់ គ្មានចន្លោះទេ លើកលែងតែមុខប៉ុណ្ណោះដែលនៅទំនេរ។
យ៉ាងណាមិញ ក្រោយពីការបង្ហោះរូបសាក់នៅលើផេកហ្វេសប៊ុកផ្ទាល់ខ្លួន Kerstin Tristan ត្រូវមនុស្សជាច្រើនបានស្គាល់ ដូច្នេះហើយទើបអ្នកស្រីទទួលបានការផ្សាយពាណិជ្ជកម្មមួយចំនួន។ ចាប់តាំងពីពេលនោះមក អ្នកស្រីបានលាឈប់ពីការងារជាអ្នករត់តាក់ស៊ី ហើយចាប់អាជីពជាថតរូបសិល្បៈ និងទទួលផ្សព្វផ្សាយពាណិជ្ជកម្មផ្សេងៗ។ ប្រភពចំណូលទាំងនេះ បានជួយឱ្យអតីតអ្នករត់តាកស៊ីរូបនេះ មានជីវភាពរស់នៅប្រសើរជាងមុន៕
ប្រែសម្រួល៖ សន្យា
ចុចអាន៖ សេដ្ឋីនីចម្លែក ចូលចិត្តសាក់រូបមួយតំណាងឱ្យមិត្តប្រុសម្នាក់ៗលើរាងកាយ
ចុចអាន៖ រឿងរ៉ាវ ៨ យ៉ាងដែលយើងមិនដឹងពីតារា YouTube និង Instagram ដ៏មានប្រជាប្រិយ Jeffree Star
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៩ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១៦ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ