ហ្វេនគាំងសឹងគ្រប់គ្នា ក្រោយឃើញមុខមាត់ Park Bom កាន់តែប្រែប្រួលខ្លាំង

ការបង្ហាញខ្លួនរបស់ Park Bom នាពេលថ្មីៗនេះ បានក្លាយជាប្រធានបទវែកញែកពាសពេញបណ្តាញសង្គម ដោយសារតែរូបសម្រស់របស់នាងកាន់តែខុសប្លែកពីមុន សូម្បីអ្នកគាំទ្រក៏លាន់មាត់គ្រប់គ្នាដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រឧស្សាហកម្មកម្សាន្ត K-pop កំពុងផ្ទុះការចាប់អារម្មណ៍ចំពោះ Park Bom ដែលជាអតីតសមាជិកក្រុម 2NE1 ព្រោះមុខមាត់កាន់តែប្លែកទៅៗ ខណៈគេសង្ស័យថា តារាស្រីរូបនេះប្រែប្រួលសម្រស់ ដោយសារការវះកាត់កែសម្ផស្សច្រើនពេក។

នៅក្នុងវីដេអូខ្លីមួយដែល Park Bom បានបង្ហោះនៅលើផេកផ្ទាល់ខ្លួន គេកត់សម្គាល់ឃើញថា ឆ្អឹងថ្គាមរបស់នាងហាក់ស្ដើងជាងមុន។ នេះហើយជាអ្វីដែលមនុស្សជាច្រើនជឿថា Park Bom បានធ្វើការវះកាត់កែសម្ផស្សលើឆ្អឹងថ្គាម ហើយវាក៏ជាមូលហេតុធ្វើឱ្យមុខរបស់នាងមើលទៅដូចហើមអ៊ីចឹង។

កន្លងមក អតីតសមាជិកក្រុម 2NE1 រូបនេះ ធ្លាប់រងទង្គិចនឹងជំងឺ lymphadenopathy ។ ជំងឺ​នេះគឺ​ជា​មូលហេតុ​ចម្បង​​ធ្វើ​ឱ្យ​មុខ​របស់​តារា​ចម្រៀង​វ័យ ៣៨ឆ្នាំ​រូប​នេះ​ហើមខ្លាំង និង​ឡើង​ទម្ងន់​ដោយ​មិន​អាច​គ្រប់​គ្រង​បាន។ ទោះបីជាយ៉ាងណា ក្រៅពីមតិព្រួយបារម្ភអំពីសុខភាពរបស់ Park Bom ក៏នៅមានមនុស្សគិតថានាងឆ្លងកាត់មុខកាំបិតច្រើនពេក ទើបធ្វើឱ្យមុខរបស់នាងហើមខ្លាំង មើលសឹងមិនស្គាល់៕

ប្រែសម្រួល៖ សន្យា

ចុចអាន៖ ទម្រាំជោគជ័យដូចសព្វថ្ងៃ Park Bom ហែលឆ្លងកាត់ឧបសគ្គច្រើន សឹងតែសម្លាប់ខ្លួន

ចុចអាន៖ V សមាជិក BTS ត្រូវមហាជនរិះគន់ឥតសំចៃ ពេលត្រឡប់ពីបារាំងវិញ