ជីវិតកម្សាន្ដ

Nicki ឆ្លើយតបភ្លាមៗ ក្រោយរងការចោទប្រកាន់ពីអតីតជំនួយការរបស់នាង

បានផុស

៤ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

Nicki Minaj កំពុងទទួលបានការចាប់អារម្មណ៍យ៉ាងខ្លាំង នៅលើប្រព័ន្ធផ្សព្វផ្សាយសង្គម បន្ទាប់ពីមនុស្សម្នាក់ដែលមានឈ្មោះថា Kate Miller បានអះអាងថា ជាអតីតជំនួយការរបស់នាង បានបកអក្រាតនាងនៅលើអ៊ីនធឺណិត។

ទោះជាយ៉ាងណាក៏ដោយ Nicki បាន LIVE បន្តផ្ទាល់នៅលើគណនី Instagram របស់នាង ដោយច្រានចោលការអះអាងនេះថា ជាការប៉ុនប៉ងមួយ ក្នុងចំណោមការប៉ុនប៉ងជាច្រើន ដើម្បីបង្ខូចឈ្មោះរបស់នាង។

រឿងនេះបានចាប់ផ្ដើមនៅពេលដែលអតីតជំនួយការ បានចាប់ផ្ដើមបង្ហោះសារចោទប្រកាន់នាងជាបន្តបន្ទាប់នៅលើគណនី Instagram ឈ្មោះថា katemiller_7 ក្នុងនោះនាងបានសរសេរថា “ខ្ញុំជាអតីតជំនួយការ Onika ដែលនាងបានបណ្តេញចេញ ដោយគ្មានភស្តុតាងនៃការក្លែងបន្លំជាមួយ គណនីធនាគាររបស់នាង។

នាងបានទម្លាយថា Nicki បានចំណាយប្រាក់ចំនួន ៧៥,០០០ ដុល្លារសម្រាប់បទចម្រៀងថ្មីរបស់នាង ដែលមានចំណងជើងថា “Freaky Girl”ពួកគេបានចោទប្រកាន់បន្ថែមទៀតថា Nicki ជំពាក់ពន្ធ ដែលមិនទាន់បានបង់ប្រាក់ចំនួន ១៧៣ លានដុល្លារតាំងពីឆ្នាំ២០១៦ មកម្លេះ។

បន្ថែមពីលើនោះ នាងបានសរសេររៀបរាប់ពីអត្តចរិតនិងអាកប្បកិរិយាមិនល្អរបស់ Nicki Minaj ជាពិសេសរឿងផ្ទាល់ខ្លួនរបស់នាង និងទំនាក់ទំនងជាមួយសិល្បករផ្សេងទៀតដូចជា Ariana Grande, Megan Thee Stallion និង Doja Cat ៕

ប្រែសម្រួល៖ នាងតូច

ចុចអាន៖Lady Gaga តស៊ូសម្តែងក្នុងក្លឹប ក្លាយជាតារាចម្រៀងស្រីល្បីលើសកលលោក