Connect with us

ជីវិតកម្សាន្ដ

ហេតុផល ៥ យ៉ាង មិនគួររំលងរឿងភាគកូរ៉េ “Big Mouth” កំពុងល្បីល្បាញខ្លាំង

បានផុស

នៅ

រឿងភាគកូរ៉េដែលមានចំណងជើងថា “Big Mouth” កំពុងទទួលបានការគាំទ្រយ៉ាងខ្លាំងក្លា ពី​សំណាក់​អ្នកគាំទ្រ។ វាស៊េរីមួយ ដែលត្រូវបានពិភាក្សា​យ៉ាងទូលំទូលាយ​ និយាយពី​​​មេធាវី (Lee Jong Suk )​ មួយ​រូប ជួបរឿង​អកុសល ​​ត្រូវ​បាន​គេ​ដាក់​ថា​ជា​ឧក្រិដ្ឋជន​ដែល​គេ​ស្គាល់​ថា​ជា Big Mouth ។ ខណៈ​ភរិយា ( Yoon Ah) ត្រូវ​ប្រឈម​មុខ​ទុក្ខ​លំបាក ​ការពារ​គ្រួសារ និង​ស្ដារ​កេរ្តិ៍ឈ្មោះស្វាមីឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាច់​រឿង​នេះដែរ មាន​ការចូលរួមដោយតារាកូរ៉េខាងត្បូងជាច្រើន និង​ដឹកនាំដោយ Oh Chung Hwan និង​និពន្ធ​ដោយ Kim Haram ។ ដូច្នេះ​ហេតុអ្វីបានជា Big Mouth ជាស៊េរី​ដែល​អ្នក​មិន​គួរ​មើលរំលង​សោះឡើយ។

១ Lee Jong Suk ត្រលប់​មក​វិញ​ជាមួយ​នឹង​រូបរាង​ដ៏​ឃោរឃៅ

សម្រាប់​អ្នកគាំទ្រ​ដែល​នឹក Lee Jong Suk អ្នកនឹងបានទស្សនា​តារាប្រុសរូបនេះ ​ក្នុង​ភាព​ឃោរឃៅ​ព្រៃផ្សៃ ព្រោះនេះជារឿងភាគរបស់លោក បន្ទាប់ពី​ចាកចេញ​ពី​យោធា​ជា​លើកដំបូង។ លោក​បាន​ត្រលប់​មក​វិញ​ក្នុងតួនាទី​ជាមេធាវីវ័យក្មេង​ឈ្មោះ Park Chang Ho ដែលមាន​អត្រាឈ្នះត្រឹមតែ ១០ភាគរយ ហើយមនុស្សដាក់​រហស្សនាម​ឲ្យ​គាត់​ថា​មាត់​ធំ (និយាយ​ប៉ុន្តែ​មិន​ពិត) នៃ​ឧស្សាហកម្ម​មេធាវី។ ចៃដន្យគាត់បានជាប់ពាក់ព័ន្ធក្នុងអំពើឃាតកម្មដែលពាក់ព័ន្ធនឹង oligarch និង aristocracy រហូតដល់គា​ត់ត្រូវបានគេដាក់ឈ្មោះ​ថា ជាអ្នកបោកប្រាស់​ដែល​មាន​រហស្សនាម​ថា Big Mouse ហើយ​បង្ខំឲ្យ​គាត់តស៊ូដើម្បីរស់ និង​លាតត្រដាងការពិត​ដ៏​កខ្វក់។

២ Yoona ដើរតួ​ជា​គូស្នេហ៍​ដែល​យកចិត្តទុកដាក់​ចំពោះ​ស្វាមី​របស់​នាង

Yoon Ah ដើរ​តួ​ជា Go Mi Ho ជា​គិលានុបដ្ឋាយិកា​វ័យ​ក្មេង​ដ៏​ស្វិតស្វាញ និង​ជា​ភរិយា​របស់ Park Chang Ho ដែល​នៅ​តែ​ត្រូវ​ធ្វើការ​ដើម្បី​ផ្គត់ផ្គង់​គ្រួសារ ។ ប៉ុន្តែនៅពេលដែលប្តីរបស់នាង​ត្រូវបាន​គេ​បង្កាច់បង្ខូច នាង​មិន​ខ្លាច​នឹង​ក្រោក​ឈរ​ជួយ​ប្ដី និង​ការពារ​គ្រួសារ​នាង​ទេ។

៣ ជីវិត​គូ​ដែល​គួរ​ឲ្យ​សង្វេគ​បំផុត ​តាំង​ពី​ចាប់​ផ្ដើម​រឿង​ភាគ

រឿងរ៉ាវ​ក៏​ចាប់ផ្ដើម ហើយ​ការងារ​ក៏​ចូល​មក​ភ្លាមៗ នៅពេលដែល Park Chang-ho ខ្ចីលុយ​ពី​ប្រព័ន្ធ​ក្រៅ​ផ្លូវការ​ដើម្បី​ប្រើប្រាស់​ នោះ​ភាពក្រីក្រ​បានរត់មក គឺជំពាក់បំណុលគេជាង ២០០លានវ៉ុន ហើយ​ថែម​ទាំង​ចាញ់​ក្ដីថែម​ទៀត។ នៅ​ពេល​ដែល​ម្ចាស់​បំណុល​បាន​លុកលុយ​ផ្ទះដើម្បីរឹបអូស។ ប្រពន្ធ​របស់​គាត់ Go Mi Ho ទ្រាំ​មិន​បាន​សូម្បី​តែមានគេ​គំរាម​សុំ​ឲ្យនាងលែង​លះស្វាមី នោះនាង​​នឹង​រួច​ជីវិត។ ខណៈ​​ប្ដី​ដែល​ជាប់​ពាក់ព័ន្ធ​នឹង​ករណី​ឃាតកម្ម​​ ធ្វើ​ឲ្យ​គ្រួសារ​ក្លាយ​ជា​មុខសញ្ញា​ឧក្រិដ្ឋជន ប៉ុន្តែ​នាង​បាន​ទទូច​ថា ​ក្នុង​លោក​នេះ​នាង​ស្គាល់​ប្តី​នាង​ច្បាស់​បំផុត ។

៤ ធានាថាសប្បាយ ដោយអ្នកដឹកនាំរឿងល្បី Oh Chung Hwan

ឃើញឈ្មោះអ្នកដឹកនាំរឿង Oh Chunghwan ធានាថាសើច។ ដោយសារតែស្នាដៃកន្លងមករបស់​គាត់​ សុទ្ធ​តែ​ទទួល​បាន​ការ​គាំទ្រ​ជា​ស៊េរី​ដូចជា “Start Up” “Hotel Del Luna” ឬ “While You Were Sleeping” ដែល​គាត់​បាន​ធ្វើការ​ជាមួយ Lee Jong Suk ក្នុងឆ្នាំ២០១៧។ ការ​ត្រលប់​មក​ធ្វើការ​ជាមួយ​គ្នា​លើក​នេះ ធានា​ថា​សប្បាយ និង​រំភើប​ ដែល​ស៊េរី​នេះ​មិន​អាច​រំលង​បាន​យ៉ាង​ប្រាកដ។

៥ គ្រប់វគ្គ ធានា​ថា​ជាប់ចិត្ត

ក្រៅ​ពី​រំភើប​ចិត្ត​ខ្លាំង ទស្សនិកជន​ជន​ក៏​មាន​ភាព​តានតឹង​ជាមួយ​ព្រឹត្តិការណ៍​ដែល​កើតឡើង​ក្នុង​រឿង “Big Mouth” ក៏បានបន្សល់ទុកនូវចំណងដៃនៅចុងបញ្ចប់នៃរឿង រហូតដល់ទស្សនិកជន​អង្គុយ​មិន​ជាប់​ផងដែរ។

យ៉ាងណាមិញ ​រឿង “Big Mouth” ​មានតារាល្បីៗជួរមុខជាច្រើន បានមក​រួមគ្នា​ដោះស្រាយ​អាថ៌កំបាំង និង​លាតត្រដាង​រឿងរ៉ាវ​នៅ​ពី​ក្រោយ​សំណុំ​រឿង​ ដែល​ពោរពេញ​ដោយ​ការ​បោក​បញ្ឆោត និង​ស្រេកឃ្លាន​អំណាច និង​លុយ ​នៅ​ក្នុងមួយ​វគ្គថែមទៀត ៕

សូមទស្សនាវីដេអូ៖

ប្រែសម្រួល៖ សាង ស្រីល័ក្ខ

ចុចអាន៖Jessica អតីតសមាជិកក្រុម SNSD អរគុណអ្នកគាំទ្រទាំងទឹកភ្នែក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម