ដៃគូ ៤រូប សក្តិសមឥតទាស់ជាមួយ Baifern អ្នកគាំទ្រចង់ឱ្យសម្ដែងរួមគ្នាម្ដងហើយម្ដងទៀត

តារាសម្ដែងដ៏មានប្រជាប្រិយភាព Baifern Pimchano ធ្លាប់ធ្វើឲ្យមហាជនលង់ស្រឡាញ់មិនតិចនាក់នោះទេ ដោយសារសមត្ថភាពសម្ដែងដ៏ប៉ិនប្រសប់ និងរូបសម្រស់ស្រស់ស្អាតពីធម្មជាតិរបស់នាង។ តារាស្រីរូបនេះទទួលបានការចាប់អារម្មណ៍ពីសំណាក់អ្នកនិយមលេងអ៊ីនធឺណិតទាំងក្នុងនិងក្រៅប្រទេសកាន់តែខ្លាំងឡើងៗ ក្រោយដណ្ដើមបានតំណែងជាតួឯកជាមួយតារាប្រុសជួរមុខជាច្រើនរូប។ ទន្ទឹមនឹងតំណែងតួឯក នាងក៏ត្រូវបានប្រព័ន្ធផ្សព្វផ្សាយថៃ ចាត់ទុកជាដៃគូសម្ដែងសក្តិសមឥតទាស់ មិនថានាងសម្ដែងជាមួយតារាប្រុសរូបណាក៏ដោយ។

តារាសម្ដែង Nine Naphat

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nine Naphat និង Baifern ទទួលបានការគាំទ្រយ៉ាងពេញ​ទំហឹងពីសំណាក់អ្នកគាំ​ទ្រ​ទាំ​ង​ក្នុង​និង​ក្រៅ​ប្រទេសកាលពីឆ្នាំ ២០១៩ ក្រោយពីពួកគេទាំងពីរសម្ដែងក្នុងខ្សែភាពយន្តស្នេហាជាមួយគ្នាក្នុងរឿង “Friend Zone” ។ ក្រៅពីខ្សែភាពយន្តនេះ អ្នកទាំងពីរក៏សម្ដែងរួមគ្នាក្នុងភាពយន្តផ្សេងផងដែរ ហើយជាការពិតណាស់ពួកគេនៅតែដណ្ដើមបានប្រជាប្រិយភាពពីទស្សនិកជន។

តារាសម្ដែង Mario Maurer

ក្រោយសហការសម្តែងក្នុងរឿង “First Love” លោក Mario និង Baifern បានបន្សល់ទុកនូវការចាប់អារម្មណ៍យ៉ាងខ្លាំងពីអ្នកគាំទ្រ ហើយត្រូវគេចាត់ទុកជាដៃគូដ៏សក្តិសមបំផុត។ យ៉ាងណាមិញ បន្ទាប់ពីពេល ១០ឆ្នាំ ក្រោយសម្ដែងរួមគ្នា អ្នកទាំងពីរបានចាប់ដៃគ្នាម្ដងទៀតសម្ដែងភាពយន្តថ្មីរឿង “AI Love You” ហើយនៅតែត្រូវទស្សនិកជនកោតសរសើរដដែល។

តារាសម្ដែង Push Puttichai

បន្ទាប់ពីលេចមុខក្នុងភាពយន្តភាគដ៏ល្បីរឿង “The Fallen Leaves” កាលពីឆ្នាំ២០១៩ Baifern និង Push បានក្លាយជាគូស្នេហ៍លើ​អេក្រង់ដ៏សក្កិសម និងត្រូវបានប្រព័ន្ធផ្សព្វផ្សាយផ្គូផ្គងឱ្យពួកគេសម្ដែងរួមគ្នាម្ដងទៀតនាពេលអនាគត។ ​

តារាសម្ដែង Nadech Kugimiya

Baifern និង Nadech ក៏ជា​គូស្នេហ៍​សក្តិសមបំផុតផងដែរ ​ក្នុង​វិស័យ​ភាពយន្ត​ថៃ ក្រោយអ្នកទាំងពីរសម្ដែងរួមគ្នាក្នុងភាពយន្តខ្នាតធំរឿង “The Con Heartist” កាលពីឆ្នាំ២០២០។ ដោយសារ Nadech ជាតារាប្រុសដ៏មានប្រជាប្រិយភាព និងពេញនិយមបំផុតនៅក្នុងប្រទេស ទើបគេគេចាត់ទុកតារាស្រីស្រស់ស្អាត​ដូច Baifern ជាដៃគូសម្ដែងឥតទាស់ និងគួរសហការគ្នាម្ដងទៀត នាពេលខាងមុខ។

សម្រាប់ប្រិយមិត្តវិញ យល់យ៉ាងណាចំពោះដៃគូទាំង ៤ រូបរបស់ Baifern?

ប្រែសម្រួល៖ សន្យា

ចុចអាន៖ ហ្វេនលួចច្រណែន ពេលឃើញ Ananda សុំមិត្តស្រីរៀបការយ៉ាងរ៉ូមែនទិក

ចុចអាន៖ ទស្សនិកជនកូរ៉េថា Lisa ភ្លេចភាសាកំណើត តែនាងបដិសេធ