Pancake ទម្លាយរឿងជីវិតប្ដីប្រពន្ធ ក្រោយរៀបការ ២ខែ

ប្រិយមិត្ត កម្ពុជាថ្មី ច្បាស់ជាបានដឹងហើយ ពីអាពាហ៍ពិពាហ៍ដ៏កក្រើករបស់តារាស្រី Pancake និងលោកឧត្តមសេនីយ៍ ​កាលពីថ្ងៃទី១០ ខែមិថុនា ឆ្នាំ២០២២ កន្លងទៅ ដែលគូស្នេហ៍នេះទទួលបានការសាទរយ៉ាងខ្លាំងពីសំណាក់អ្នកគាំទ្រទាំងក្នុងនិងក្រៅប្រទេស ក្នុងថ្ងៃជ័យរបស់ពួកគេ។

បន្ទាប់ពីរៀបការរួច Pancake មិនសូវលេចមុខក្នុងវិស័យសិល្បៈនោះទេ ប៉ុន្តែនាងបង្ហាញវត្តមានក្នុងកម្មវិធីទូរទស្សន៍មួយចំនួន ដើម្បីផ្ដល់បទសម្ភាសន៍។ ជាក់ស្ដែងថ្មីៗនេះដែរ Pancake បានឡើងកម្មវិធីទូរទស្សន៍មួយ និងបានផ្ដល់បទសម្ភាសន៍ពាក់ព័ន្ធរឿងរ៉ាវជីវិតគូក្រោយរៀបការ បន្ទាប់ពីនាងនិងស្វាមីរៀបអាពាហ៍ពិពាហ៍បានជាង ២ខែកន្លងមក។

ក្នុងនោះដែរ Pancake បាននិយាយអំពីការរស់នៅប្រចាំថ្ងៃ ដែលវាពិតជាមានភាពខុសប្លែកគ្នាខ្លាំងរវាងការនៅម្នាក់ឯង និងជីវិតមានស្វាមី ខណៈនាងបន្ថែមទាំងអឹមអៀនថា នាងមានអារម្មណ៍ល្អ ពិបាករៀបរាប់ណាស់។

ងាកមករឿងចង្រ្កានជើងឆ្នាំងវិញ ថ្វីត្បិតនាងជាស្ត្រីមេផ្ទះ ប៉ុន្តែនាងនិយាយថា នាងទៅតែផ្សារប៉ុណ្ណោះ ហើយភាគច្រើនស្វាមីរបស់នាងជាអ្នកចម្អិនអាហារសម្រាប់គ្រួសារមិនថាអាហារពេលព្រឹក និងអាហារពេលល្ងាចនោះទេ។ ទោះយ៉ាងណា តារាស្រីរូបនេះទ​ម្លាយទាំងអស់សំណើចថា ស្វាមីនាងរញ៉េរញ៉ៃណាស់ ​ទោះគាត់ចម្អិនអាហារពិតមែន តែផ្ទះបាយនាងជាអ្នករៀបចំ។

ក្រៅពីរឿងម្ហូបម្ហា Pancake ប្រាប់ទាំងសើចផង អៀនផងថា មួយរយៈនេះនាងគេងមមើនិយាយម្នាក់ឯងសឹងរាល់យប់ ដែលធ្វើឱ្យស្វាមីពិបាកគេង។ ទោះជាយ៉ាងនេះក្ដីនាងថា ស្វាមីនាងជាមនុស្សដឹងទុក្ខធុរៈភរិយា ហើយគាត់តែងតែនៅក្បែរមើលថែនាងបានយ៉ាងល្អក្នុងនាមជាឧត្តមស្វាមី៕

ប្រែសម្រួល៖ សន្យា

ចុចអាន៖ ទិដ្ឋភាព Pancake កាន់ដៃកូនកំលោះ ចូលរោងការយ៉ាងកក់ក្ដៅ (មានវីដេអូ)

ចុចអាន៖ Weir Sukolwat ទម្លាយថា ចង់បាត់មុខពីសិល្បៈមួយរយៈ​