Kim Kardashian និង Scott Disick រងបណ្ដឹងឆបោក និងទារសំណង ៤០ លានដុល្លារ

Kim Kardashian និង Scott Disick ត្រូវបានគេប្តឹងពីបទឆបោក និងទាមទារសំណងចំនួន ៤០ លានដុល្លារ បន្ទាប់ពីអ្នកទាំងពីរបានផ្សព្វផ្សាយការផ្សងសំណាងឈ្នះរង្វាន់នៅលើ Instagram របស់ពួកគេកាលពីឆ្នាំ ២០២០ ។

ដើមបណ្តឹងបានអះអាងថា តារាទាំងពីរបានបោកប្រាស់ឲ្យពួកគេចូលរួមផ្សងសំណាងឆ្នោតក្លែងក្លាយ​ ដោយនៅក្នុងនោះគ្មានអ្នកឈ្នះពិតប្រាកដទេ ។ Kim និង Scott ត្រូវបានគេចោទប្រកាន់ថា បានផ្សព្វផ្សាយឆ្នោតតាមអ៊ីនធឺណិត ជាមួយដៃគូក្រុមហ៊ុន Curated Businesses ដោយសន្យាថាអ្នកឈ្នះនឹងទទួលបានលុយ ១០ ម៉ឺនដុល្លារ សំបុត្រស្នាក់នៅ ៣ យប់ក្នុងទីក្រុង Beverly Hills រដ្ឋ California បូករួមទាំងការដើរទិញឥវ៉ាន់ផងដែរ ។

បន្ថែមពីលើនេះ ដើមបណ្តឹងក៏បានចោទប្រកាន់អ្នកទាំងពីរដែរថា លួចយកព័ត៌មានផ្ទាល់ខ្លួន និងឯកសារផ្សេងៗទៀតពីពួកគេ ក្នុងអំឡុងពេលបំពេញព័ត៌មានចូលរួមផ្សងសំណាងឆ្នោតនោះ ។

យ៉ាងណាមិញ ក្រុមហ៊ុន Curated Businesses ក៏បានចេញមុខការពារ Kim Kardashian និង Scott Disick ផងដែរ ដោយបានបញ្ជាក់ថា រង្វាន់នេះបានផ្តល់ដល់អ្នកឈ្នះពិតប្រាកដ ហើយឆ្នោតផ្សងសំណាងនេះគឺស្របច្បាប់ ៕

ប្រែសម្រួល៖នាងតូច

ចុចអាន៖ពេលនេះតួឯកប្រុសរឿង “កប៉ាល់ Titanic” និងតារាម៉ូដែល Gigi ត្រូវគេប្រទះឃើញស្និតស្នាលគ្នាខ្លាំង

ចុចអាន៖តារាចម្រៀង Ray J ចោទម្តាយ Kim Kardashian និយាយកុហករឿងអាស្រូវផ្លូវភេទកាលពី ១៥ ឆ្នាំមុន