ជីវិតកម្សាន្ដ

តួឯកស្រីរឿង “Iris” វិលមកសម្ដែងវិញ ចំពេលមានពាក្យចចាមអារ៉ាមថា ស្វាមីក្បត់ចិត្ត

បានផុស

៤ years មុន

នៅ

ថ្ងៃសុក្រ ៧ តុលា ២០២២

ដោយ

តារាសម្ដែង Kim Tae Hee កំពុងតែពិចារណាថា នឹងសម្ដែងរឿងភាគថ្មី បន្ទាប់ពីនាងឃ្លាតឆ្ងាយពីកញ្ចក់ទូរទស្សន៍អស់៣ឆ្នាំ ចំពេលនេះធ្លាយពាក្យចចាមអារ៉ាមថា Rain លួចក្បត់ចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ កាលពីថ្ងៃទី ០៦ខែតុលា ទីភ្នាក់ងារ Story Jay Company របស់ Kim Tae Hee បានបង្ហាញថា តារាស្រីរូបនេះកំពុងត្រៀមនឹងសម្ដែងក្នុងរឿងភាគឲ្យ tvN ‘House with a Yard’ ខណៈនេះគឺជារឿងដែលផ្អែកលើប្រលោមលោករបស់ Kim Jin Myung ហើយគ្រោងនឹងចេញនៅឆ្នាំក្រោយ។ លើសពីនេះ វាប្រាប់ពីរឿងរ៉ាវរបស់ស្ត្រីមេផ្ទះម្នាក់ក្នុងវ័យ ៣០ ឆ្នាំរបស់នាង ដែលរស់នៅក្នុងផ្ទះដ៏ប្រណិតមួយជាមួយប្ដីដែលជាវេជ្ជបណ្ឌិត។ Kim Tae Hee ក៏ត្រូវបានគេដឹងថា នាងបានលេចមុខក្នុងរឿងចុងក្រោយ “Hi bye mama” របស់ tvN កាលពីឆ្នាំ ២០២០ ដែរ។

ទន្ទឹមនឹងនោះ Kim Tae Hee បច្ចុប្បន្នកំពុងក្លាយជាប្រធានបទក្ដៅគគុកក្នុងប្រព័ន្ធផ្សព្វផ្សាយ។ បន្ទាប់ពីកាលពីពេលថ្មីៗនេះ មានពាក្យចចាមអារ៉ាមជាច្រើនបានសាយភាយនៅក្នុងសង្គមអនឡាញមួយចំនួន “ប្ដីរបស់នាង Rain មានទំនាក់ទំនងជាមួយនារីវាយកូនហ្គោល” ក្រោយមកភ្នាក់ងាររបស់ Rain បានចេញសេចក្ដីប្រកាសព័ត៌មានបដិសេធថា Rain មិនជាប់ពាក់ព័ន្ធទេ។ ពាក្យចចាមអារ៉ាមបែបនេះ មិនមែនជារឿងសមហេតុសមផលទេ ហើយនឹងចាត់វិធានការតាមផ្លូវច្បាប់ចំពោះអ្នកផ្សាយផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ភ្នាក់ងារ Kim Tae Hee ចេញមុខបកស្រាយ ក្រោយធ្លាយរឿង Rain ក្បត់ចិត្តភរិយា

ចុចអាន៖បណ្ដាញអ៊ីនធឺណិត លើកសរសើរ Sandara Park ថា ជាតារាកូរ៉េមានម៉ូដប្លែកពីគេ