ជីវិតកម្សាន្ដ

សង្ហាមិនចេះចាស់ Ken ថតជាមួយកូនៗ គ្រប់គ្នាស្មានថាបងប្អូនបង្កើត

បានផុស

៤ years មុន

នៅ

ថ្ងៃពុធ ១៩ តុលា ២០២២

ដោយ

រូបភាពប៉ុន្មានសន្លឹកពីតារាសម្តែងប្រុស Ken Theeradeth ជាមួយកូនៗនៅឯដំណើរកម្សាន្តមួយក្នុងប្រទេសជប៉ុន ក្រោយពីអ្នកគាំទ្រឃើញហើយ គិតស្មានថាជាបងប្អូននឹងគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែង Ken Theeradeth បានធ្វើដំណើរកម្សាន្តជាលក្ខណៈគ្រួសារ ជាមួយភរិយា Noi Busakorn និងកូនប្រុសទាំងពីរគឺ Khunatum និង Thippatai ខណៈរូបថតរបស់លោក ត្រូវបានមហាជនយល់ច្រឡំថា ជាបងប្អូនប្រុស ហើយក៏មិននឹកស្មានថា កូនៗឆាប់ធំពេញវ័យ ស្មើនឹងឪពុកលឿនបែបនេះទេ។

បន្ថែមពីនេះ ក្នុងរូបភាពដែលលោកបានបង្ហោះលើបណ្ដាញសង្គម ទស្សនិកជនជាច្រើនឃើញក្រុមគ្រួសារ Ken បានចំណាយពេលជាមួយគ្នាយ៉ាងមានសុភមង្គល នៅផ្ទះដ៏ស្រស់ស្អាតមួយស្ថិតនៅកណ្ដាលធម្មជាតិ រួមទាំងការធ្វើសកម្មភាពផ្សេងៗ ដែលពួកគេធ្វើជាមួយគ្នា ជាពិសេសកូនប្រុសទាំងពីរ ហាក់មានភាពស្និទ្ធស្នាលជាមួយឪពុកយ៉ាងខ្លាំងផងដែរ។

យ៉ាងណាមិញ រូបភាព៣នាក់ឪពុកកូន កំពុងតែក្លាយនិន្នាការជជែកគ្នាពេញបណ្ដាញសង្គម ខណៈហ្វេនខ្លះនិយាយថាសង្ហាទាំងបីនាក់ ជិតស្និទ្ធគ្នាយ៉ាងនេះ មើលទៅដូចបងប្អូនបង្កើតណាស់។ ចំណែកកូនប្រុសច្បង ក៏មានកម្ពស់ស្មើឪពុកដែរ បន្តិចទៀតកូនៗធំមើលលែងស្គាល់ ហើយបើសង្ហាៗយ៉ាងនេះ។

គួរបញ្ចាក់ដែរថា តារាសម្តែងប្រុស Ken Theeradeth បានរៀបការជាមួយភរិយា Noi Boosakorn ដែលជាតារាសម្តែងថៃ ដ៏មានប្រជាប្រិយភាពនៅថ្ងៃទី ២៥ ខែតុលាឆ្នាំ ២០០៧ យ៉ាងមានសុភមង្គល។ កាលណោះសូម្បីតែ ម្ចាស់ក្សត្រី Sirikit ក៏បានយាងចូលរួមក្នុងពិធីនេះដែរ៕