ជីវិតកម្សាន្ដ

Kimberly ទស្សនាផ្ទះថ្មី ត្រៀមរស់នៅជាមួយអនាគតស្វាមី Mak Prin

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

ទើបតែបង្ហាញរូបរាងស្វែលស្អាតថ្មីៗនេះ Kimberly បានបង្ហាញរូបភាពទស្សនាកិច្ចផ្ទះថ្មីដែលកំពុងសាងសង់ ត្រៀមដឹកដៃអនាគតស្វាមី Mak Prin រស់នៅ ក្រោយរៀបអាពាហ៍ពិពាហ៍រួចរាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃម្សិលមិញនេះ Kim បានបង្ហាញមុខអាប់ដេតរូបភាពផ្ទះថ្មី និងដើរត្រួតពិនិត្យរចនាសម្ព័ន្ធផ្ទះ ដែលកំពុងតែធ្វើការសាងសង់។ ជាមួយគ្នានេះដែរ តារាសម្ដែង Kimberly បានសរសេរខេបសិនលើ Instagram ថា ”Check check Dream home in progress “ដែលមានន័យជាភាសាខ្មែរថា “ពិនិត្យមើលផ្ទះក្នុងក្តីស្រមៃ កំពុងដំណើរការ។”

ក្នុងរូបភាពដែល Kimberly បានបង្ហោះ បង្ហាញថាផ្ទះនេះជិតរួចរាល់ហើយ ចំណែកបរិយាកាសខាងក្រៅ និងខាងក្នុងផ្ទះ ត្រូវបានរចនាយ៉ាងល្អ មិនថាជាបង្អួច ទ្វារ ពិតានឬជណ្ដើរនោះទេ។ ជាមួយគ្នានោះ អ្នកគាំទ្រជាច្រើនបានចូលមកបញ្ចេញមតិយ៉ាងច្រើនកុះករ សរសើរផ្ទះស្អាត និងធំស៊ីវិល័យពិតៗ។

គួរបញ្ជាក់ថា គូស្នេហ៍ផ្អែមល្ហែម Mak Prin-Kimberly ត្រូវបានគេដឹងថា គ្រោងនឹងរៀបការនៅខែវិច្ឆិកា ឆ្នាំ២០២៣ ក្រោយទាក់ទងគ្នាជាង៨ឆ្នាំមកហើយ ខណៈអ្នកទាំងពីរកំពុងរៀបចំកម្មវិធីជាបណ្ដើរៗ និងសាងសង់ផ្ទះថ្មី ដែលត្រៀមរស់នៅនាពេលខាងមុខថែមទៀតផង៕