ស្ថាបនិក MGI នឹងឱ្យតំណែងលំដាប់រងទី៥ ទៅវៀតណាម ប្រសិនបណ្ដាញសង្គមរបស់ស្ថាប័នកើនអ្នកតាមដាន ៧លាននាក់

បន្ទាប់ពីបវរកញ្ញាលំដាប់រងទី៥ តំណាងប្រទេស Mauritius លាលែងពីតំណែង ប្រធាន Miss Grand International បានពិចារណាលើចន្លោះទំនេរ ដោយលោកអះអាងថា លោកនឹងផ្តល់ឱកាសឱ្យបវរកញ្ញាមកពីប្រទេសវៀតណាមឡើងមកជំនួស ប្រសិនបើគណនីប្រព័ន្ធផ្សព្វផ្សាយសង្គម MGI អាចមាន Follower ឈានដល់ ៧លាននាក់ ។

ប្រធាន និងស្ថាបនិកស្ថាប័ន MGI លោក Nawat Itsaragrisil កំពុងពិចារណាជ្រើសរើសអ្នកតំណាងម្នាក់ទៀតជំនួសបវរកញ្ញាដែលលាលែងពីតំណែង ដោយលោកបាននិយាយនៅលើផេកផ្ទាល់ខ្លួនថា លោកអាចនឹងរើសបវរកញ្ញា Doan Thien An ដែលជាបេក្ខភាពតំណាងវៀតណាមចូលទៅក្នុង Top10 របស់ Miss Grand International 2022។

ស្ថាបនិករូបនេះនិយាយថា “ខ្ញុំមិនដឹងថាប្រទេសណានឹងទទួលបានតំណែងជើងឯកលំដាប់រងទៅ៥នោះទេ ព្រោះវៀតណាមបាន unfollow ផេករបស់យើងលើសពី ២លាននាក់ ប៉ុន្តែប្រសិនបើខ្ញុំអាចទទួលបានអ្នកតាមដាន ៧លាននាក់ ខ្ញុំ​នឹង​ពិចារណា​លើ​តំណែងនេះទៅឱ្យវៀតណាម”។ ក្រោយការ​លើក​ឡើង​របស់​លោក Nawat ​អ្នក​គាំទ្រ​វិស័យសម្រស់​វៀតណាម​នាំគ្នាបញ្ចេញ​មតិចម្រុះ​ជា​ច្រើន ខណៈទស្សនិកជន​មួយចំនួនធំ​មិន​យល់​ស្រប​នឹង​ការ​ចែក​រំលែក​​របស់​ប្រធាន​កម្មវិធី​ប្រកួត​សម្រស់​អន្តរជាតិមួយនេះឡើយ៕

ប្រែសម្រួល៖ សន្យា

ចុចអាន៖ Engfa វាយបកទៅមហាជន វៀតណាម វិញ ក្រោយថានាងមិនចេះ អង់គ្លេស បែរជាប់លំដាប់រងទី ១

ចុចអាន៖ មូលហេតុពីរគត់នាំឱ្យ Matthew ក្លាយជាពិធីករកម្មវិធី MGI ៣ឆ្នាំជាប់គ្នា