នេះអាចជាមូលហេតុពិតនៃការបែកបាក់ចំណងអាពាហ៍ពិពាហ៍រវាង Song Joong Ki និង Song Hye Kyo

ចំណងអាពាហ៍ពិពាហ៍រវាងតារាសម្ដែង Song Joong Ki និង Song Hye Kyo បានឈានដល់ការលែងលះគ្នាជិត ៥ឆ្នាំមកហើយ ប៉ុន្តែចំពោះមូលហេតុពិតពីក្រោយការបែកបាក់មួយនេះ គ្មាននរណាច្បាស់ឡើយថាមកពីអ្វី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់លែងលះគ្នា Song Joong Ki បានរៀបការនឹងតារាម៉ូដែលអង់គ្លេស Katy Louise Saunders ដែលពេលនេះអ្នកទាំងពីរកំពុងជិតក្លាយជាឪពុកម្ដាយគេហើយ ខណៈ Song Hye Kyo ឯណោះវិញកំពុងប្រើជីវិតនៅលីវជាមួយអាជីពសិល្បៈយ៉ាងជោគជ័យ។

និយាយពី Song Joong Ki ក្រោយពេលរៀបការជាមួយភរិយាថ្មី លោកតែងតែក្លាយជាប្រធានបទនៃការពិភាក្សារបស់អ្នកលេងអ៊ីនធឺរណិត ហើយថ្មីៗនេះនៅក្នុងបទសម្ភាសន៍ជាមួយប្រព័ន្ធផ្សព្វផ្សាយចិន តារាសម្តែងរូបនេះបានចែករំលែកអំពីអារម្មណ៍ពេលជិតក្លាយជាឪពុករបស់គេ។

លោកនិយាយថា “ការក្លាយជាឪពុករបស់គេគឺជារឿងសំខាន់បំផុតក្នុងជីវិតរបស់ខ្ញុំ។ ខ្ញុំតែងតែសុបិនអំពីថ្ងៃដែលខ្ញុំក្លាយជាឪពុកម្នាក់។ ខ្ញុំពិតជាស្រឡាញ់ឪពុករបស់ខ្ញុំ ហើយដោយធ្លាប់ទទួលឥទ្ធិពលពីគាត់ តាំងពីតូចមក ខ្ញុំតែងតែចង់ក្លាយជាឪពុកដ៏ល្អដូចគាត់ដែរ” ។

ដោយឡែក កាលពីពេលកន្លងមក នៅឯមហោស្រពភាពយន្តទីក្រុង Cannes ឆ្នាំ២០២៣ តារាប្រុសរូបនេះ ក៏ធ្លាប់ចែករំលែកពីអារម្មណ៍សុភមង្គលដែលមានប្រពន្ធកូនរង់ចាំនៅផ្ទះផងដែរ។ “និយាយតាមត្រង់ទៅ ខ្ញុំសប្បាយចិត្តណាស់។ សម្រាប់ពេលនេះ ខ្ញុំចង់ផ្តោតលើការរៀបចំសម្រាប់កូនដំបូងរបស់ខ្ញុំ។ ខ្ញុំនឹងបញ្ចប់ការងារនៅទីក្រុង Cannes ហើយត្រឡប់ទៅផ្ទះវិញឆាប់ៗនេះ ដើម្បីនៅជាមួយប្រពន្ធខ្ញុំ” ។

តាមរយៈការចែករំលែកទាំងនេះ អ្នកនិយមលេងអ៊ីនធឺរណិតអាចស្មានបានថា ហេតុផលដែលនាំឱ្យ Song Joong Ki និងអតីតភរិយាបែកបាក់គ្នា គឺទាក់ទងនឹងបញ្ហាកូន ខណៈពេលដែល Song Joong Ki តែងតែចង់មានកូន ផ្ទុយទៅវិញ Song Hye Kyo ចង់ផ្តល់អាទិភាពលើអាជីពសម្តែងរបស់នាងច្រើនជាង៕

ប្រែសម្រួល៖ សន្យា

ចុចអាន៖ ក្រោយផុតកំណត់កុងត្រាជាមួយ G-Dragon ផលិតកម្ម YG ខាតបង់ប្រាក់រាប់លានដុល្លារ

ចុចអាន៖ Song Hye Kyo ឱបបុរសម្នាក់នៅកណ្ដាលផ្លូវ អ្នកគាំទ្រសង្ស័យថាជាគូស្នេហ៍ថ្មី