តុលាការកាត់ទោស Taeil អតីតក្រុម NCT ចំនួន ៣ឆ្នាំកន្លះ ពីបទរំលោភ និងហិង្សា

យោងតាមការចុះផ្សាយពីភ្នាក់ងារកម្សន្ត allkpop ​នៅថ្ងៃទី ១០ ខែកក្កដា វេលាម៉ោង២ រសៀលនេះ ផ្នែកព្រហ្មទណ្ឌទី២៦ នៃតុលាការក្រុងសេអ៊ូលកណ្តាលបានកាត់ទោសអតីតសមាជិក NCT គឺតារាចម្រៀងប្រុស Taeil ក៏ដូចជាចុងចោទ២ នាក់ផ្សេងទៀត ឲ្យជាប់គុក ៣ ឆ្នាំ ៦ ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការក៏បានបញ្ជាឲ្យជនជាប់ចោទបញ្ចប់កម្មវិធីអប់រំ រយៈពេល ៤០ ម៉ោង ពាក់ព័ន្ធនឹងអំពើហិង្សាផ្លូវភេទ និងចុះឈ្មោះជនជាប់ចោទទាំង ៣ នាក់ជាជនល្មើសផ្លូវភេទនៅក្នុងសង្កាត់លំនៅដ្ឋានរបស់ពួកគេ។ បុគ្គលទាំងនេះក៏នឹងត្រូវហាមប្រាមពីការងារវិជ្ជាជីវៈក្នុងវិស័យការងារទាក់ទងនឹងកុមារ និងយុវជនសម្រាប់រយៈពេល ៥ឆ្នាំខាងមុខ។

កន្លង​មក Taeil និង​បក្ខពួក​២​នាក់​ផ្សេង​ទៀត ​ត្រូវ​បាន​កាត់​ទោស​ពី​បទ​បង្ក​របួស​ស្នាម​ធ្ងន់ធ្ងរ។ ក្នុងអំឡុងពេលសវនាការ ជនជាប់ចោទទាំង៣នាក់បានសារភាពថា ខ្លួនពិតជាបានរំលោភនារីរងគ្រោះមានសញ្ជាតិចិន ខណៈដែលនាងស្រវឹងស្រាមួយរយៈកាលពីខែមិថុនាឆ្នាំមុន។

មិនតែប៉ុណ្ណោះ នៅក្នុងសេចក្តីសម្រេចដំបូងនេះ តុលាការក្រុងសេអ៊ូលកណ្តាលក៏បានចេញដីកាចាប់ខ្លួន Taeil និងជនជាប់ចោទ ២ នាក់ផ្សេងទៀតដោយកត់សម្គាល់ថា មានការព្រួយបារម្ភអំពីការហោះហើរ ខណៈដែលចុងចោទនឹងទទួលការកាត់ទោសដាក់ពន្ធនាគារ៕

អត្ថបទ៖ សាង ស្រីល័ក្ខ

ចុចអាន៖Seungri ត្រូវគេប្រទះឃើញ ជួបជាមួយឈ្មួញគ្រីបតូ យ៉ាងចម្លែក