ព័ត៌មានអន្ដរជាតិ

ឥណ្ឌូណេស៊ី ក៏ប្រកាសសញ្ញាព្រមានពីរលកយក្សស៊ូណាមិដែរ ក្រោយរញ្ជួយដីដ៏ខ្លាំងនៅហ្វីលីពីន

បានផុស

៩ ខែ មុន

នៅ

ថ្ងៃសុក្រ ១០ តុលា ២០២៥

ដោយ

Chheang

យោងតាមការចុះផ្សាយរបស់ BBC ការព្រមានអំពីរលកយក្សស៊ូណាមិក៏ត្រូវបានដាក់ចេញផងដែរនៅក្នុងតំបន់ភាគខាងជើង Sulawesi នៃប្រទេសឥណ្ឌូណេស៊ី និងតំបន់ Papua ដែលមានចម្ងាយជាង ៣០០គីឡូម៉ែត្រពីចំណុចកណ្តាលនៃការរញ្ជួយដីកម្រិត៧,៦រ៉ិចទ័រក្នុងប្រទេសហ្វីលីពីននាព្រឹកថ្ងៃទី១០ខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារភូគព្ភសាស្ត្ររបស់ឥណ្ឌូណេស៊ីនិយាយថា តំបន់ទាំងនេះកំពុងស្ថិតនៅក្រោមការគំរាមកំហែង។

ការជូនដំណឹងពីមជ្ឈមណ្ឌលព្រមានរលកយក្សស៊ូណាមិប៉ាស៊ីហ្វិក បានព្រមានថា រលកយក្សស៊ូណាមិអាចឡើងដល់កម្ពស់ ៣ម៉ែត្រនៅតាមឆ្នេរសមុទ្រមួយចំនួនក្នុងប្រទេសហ្វីលីពីន។ រលកនេះអាចឡើងដល់មួយម៉ែត្រពីលើជំនោរធម្មតា សម្រាប់ឆ្នេរសមុទ្រមួយចំនួននៃប្រទេសឥណ្ឌូណេស៊ី និងតំបន់ Papua។

អ្នកស្រុកនៅតំបន់ឆ្នេរដែលរងផលប៉ះពាល់នៃប្រទេសឥណ្ឌូណេស៊ីត្រូវបានគេណែនាំឲ្យផ្លាស់ទីឆ្ងាយពីឆ្នេរ និងតំបន់ទំនាប៕

ដោយ៖ ឈាង