ព័ត៌មានអន្ដរជាតិ

ប្រធានាធិបតី ត្រាំ រាំកម្សាន្តយ៉ាងរីករាយជាមួយតូរ្យតន្ត្រីស្វាគមន៍ ពេលមកដល់ម៉ាឡេស៊ី

បានផុស

៩ ខែ មុន

នៅ

ថ្ងៃអាទិត្យ ២៦ តុលា ២០២៥

ដោយ

ប្រធានាធិបតីសហរដ្ឋអាមេរិកលោក ដូណាល់ ត្រាំ (Donald Trump) ត្រូវបានគេរាយការណ៍ថា បានរាំលេងកម្សាន្តយ៉ាងសប្បាយជាមួយក្រុមតន្ត្រីកិត្តិយសដែលត្រៀមទទួលស្វាគមន៍ដំណើរប្រធានាធិបតីនៅអាកាសយានដ្ឋានអន្តរជាតិនៅទីក្រុងកូឡាឡាំពូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ Reuters ប្រធានាធិបតីសហរដ្ឋអាមេរិក លោក ដូណាល់ ត្រាំ បានចូលរួមរាំលេងបង្ហាញភាពរីករាយជាមួយអ្នកសំដែងក្នុងការរាំក្នុងពេលទទួលស្វាគមន៍ បន្ទាប់ពីបានមកដល់អាកាសយានដ្ឋានអន្តរជាតិ កូឡាឡាំពូ (Kuala Lumpur) ដើម្បីចូលរួមកិច្ចប្រជុំកំពូលសមាគមប្រជាជាតិអាស៊ីអាគ្នេយ៍ (អាស៊ាន) លើកទី ៤៧ នៅក្នុងទីក្រុងកូឡាឡាំពូ ប្រទេសម៉ាឡេស៊ី នៅថ្ងៃទី២៦ខែតុលា ឆ្នាំ២០២៥។

ប្រធានាធិបតីសហរដ្ឋអាមេរិក លោក ដូណាល់ ត្រាំ ត្រូវបានគេមើលឃើញថា ជាតួអង្គសំខាន់បំផុតក្នុងកិច្ចប្រជុំកំពូលអាស៊ានលើកទី៤៧នៅប្រទេសម៉ាឡេស៊ីក្នុងឆ្នាំនេះ បន្ទាប់ពីលោកបានសម្រុះសម្រួលបញ្ចប់សង្គ្រាមបង្ហូរឈាមរវាងកម្ពុជានិងប្រទេសថៃកាលពីថ្ងៃទី២៨ខែកក្កដា និងជាបន្តបន្ទាប់រដ្ឋបាលរបស់លោក បានផ្តួចផ្តើមឲ្យមានការចរចាឈានទៅបញ្ចប់សង្គ្រាមទាំងស្រុងដោយបង្កើតនូវកិច្ចព្រមប្រៀងសន្តិភាពដែលនឹងត្រូវចុះហត្ថលេខានៅព្រឹកថ្ងៃទី២៦ខែតុលានេះ៕

រ៉ាន់ រើយ