ព័ត៌មានអន្ដរជាតិ

ទង្វើមេដឹកនាំរដ្ឋាភិបាលនិងយោធាថៃ បង្ហាញនូវសកម្មភាពនៃឧក្រិដ្ឋកម្មសង្គ្រាម ដោយប្រកែកមិនបាន

បានផុស

៧ ខែ មុន

នៅ

ថ្ងៃអង្គារ ៩ ធ្នូ ២០២៥

ដោយ

នៅពេលដែលអគ្គមេបញ្ជាការថៃ បាននិយាយថា ប្រតិបត្តិការយោធាថៃមានគោលបំណងបំផ្លាញសមត្ថភាពផែ្នកយោធាកម្ពុជា ដើម្បីកុំឲ្យមានសមត្ថភាពគំរាមកំហែងដល់ប្រទេសរបស់ខ្លួននោះ ប៉ុន្តែការវាយប្រហាររបស់ថៃមិនបានរើសទីកន្លែងដូចអ្វីដែលខ្លួនលើកឡើង។

នាយករដ្ឋមន្ត្រីថៃ លោក អានុទីន ធ្វើសន្និសីទកាសែត ក្រោយប្រជុំក្រុមប្រឹក្សាសន្តិសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Chaiyapruek Duangprapat នាយសេនាធិការចម្រុះនៃកងយោធពលភូមិន្ទថៃ។ The Thai Enquirer

ក្រោយផ្ទុះអាវុធដែលភាគីថៃខ្លួនឯង បានប្រឌិតរឿងរាប់មិនអស់សម្រាប់ជាលេសទម្លាក់កំហុសមកលើកម្ពុជា យោធាថៃ បានប្រើប្រាស់អាវុធគ្រប់ធន់ចាប់ពីធន់ស្រាល ដល់ធន់ធ្ងន់ រួមទាំងយន្តហោះចម្បាំង F-16 ភ្លាមៗតែម្តង ដោយបង្កើនការវាយប្រហារយ៉ាងខ្លាំង ផ្តោតលើតំបន់ស៊ីវិល ហេដ្ឋារចនាសម្ព័ន្ធស៊ីវិល តំបន់់ប្រវត្តិសាស្រ្តបេតិកភ័ណ្ឌពិភពលោក ប្រាសាទបុរាណ និង ការពង្រីកតំបន់ប្រយុទ្ធទៅកាន់ទីតាំងដែលគ្មានយោធា តាមបណ្តោយព្រំដែនជាច្រើនកន្លែងទៀត។

នាយសេនាធិការចម្រុះនៃកងយោធពលភូមិន្ទថៃ លោក Chaiyapruek Duangprapat បានលើកឡើងទាំងមិនដឹងខ្លួនខុសថា៖«គោលបំណងរបស់យើងគឺឲ្យកងទ័ពជើងគោកថៃធ្វើឲ្យកម្ពុជាមិនអាចធ្វើសកម្មភាពយោធាបានក្នុងរយៈពេលយូរ ដើម្បីសុវត្ថិភាពកូនៗ និងចៅៗរបស់យើង»។

កងទ័ពរបស់កម្ពុជាក្នុងពេលកន្លងមក ដែលបង្កការគំរាមកំហែង អសន្តិសុខក្នុងតំបន់ សូម្បីតែប្រទេសជិតខាង ផ្ទុយទៅវិញកងទ័ពរបស់កម្ពុជាបានជួយកិច្ចការមនុស្សធម៌អន្តរជាតិ ជាច្រើនតាមរយៈអង្គការសហប្រជាជាតិ និង កិច្ចសហប្រតិបត្តិការក្នុងតំបន់។

ងាកទៅមើលជំហររបស់នាយករដ្ឋមន្ត្រីថៃ លោក អានុទីន ឆានវីរៈគុល វិញ បានប្រកាសក្តែងៗប្រាប់ប្រព័ន្ធផ្សព្វផ្សាយថៃថា រដ្ឋាភិបាលរបស់ខ្លួន បានបិទគ្រប់បណ្តាញទំនាក់ទំនងជាមួយកម្ពុជា ហើយ គាំទ្រដល់សកម្មភាពរបស់យោធាប្រព្រឹត្តមកលើប្រទេសកម្ពុជា។

សកម្មភាពរបស់យោធាថៃ និងនាយករដ្ឋមន្ត្រីអសមត្ថភាពរបស់ថៃ លោក អានុទីន ឆានវីរៈគល់ បង្ហាញឲ្យឃើញពីសន្តានស្រេកឃ្លានសង្គ្រាម បង្កអមិត្តជាមួយប្រទេសជិតខាងខ្លួន ដើម្បីតែផលប្រយោជន៍នយោបាយប៉ុណ្ណោះ៕

រ៉ាន់ រើយ