ព័ត៌មានអន្ដរជាតិ
រុស្ស៊ីព្រលះអាមេរិកក្នុងកិច្ចប្រជុំ UNSC និងទាមទារឲ្យដោះលែង ម៉ាឌូរ៉ូ និងភរិយាគាត់
ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ លោក វ៉ាស៊ីលី ណេបេនហ្ស៊ីយ៉ា (Vasily Alekseyevich Nebenzya) បានថ្លែងថ្កោលទោសសហរដ្ឋអាមេរិកដែលបានធ្វើប្រតិបត្តិការយោធាចូលប្រទេសវ៉េណេស៊ុយអេឡា និងបានចាប់ខ្លួនប្រធានាធិបតី លោក នីកូឡាស ម៉ាឌូរ៉ូ (Nicolás Maduro) និងភរិយារបស់គាត់ ពង្រាត់ទៅកាន់ទីក្រុងញូវយ៉ក។
ថ្លែងតាមសុន្ទរកថាដែលបានព្រាងទុក នៅឯកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពជុំវិញប្រទេសវ៉េណេស៊ុយអេឡា នៅទីក្រុងញូវយ៉កថ្ងៃទី៥ខែមករាឆ្នាំ២០២៦ លោក វ៉ាស៊ីលី ណេបេនហ្ស៊ីយ៉ា បានលើកឡើងថា៖«យើងថ្កោលទោសយ៉ាងដាច់អហង្ការចំពោះទង្វើឈ្លានពានប្រដាប់អាវុធរបស់សហរដ្ឋអាមេរិកប្រឆាំងនឹងប្រទេសវ៉េណេស៊ុយអេឡា ដែលបំពានលើបទដ្ឋានច្បាប់អន្តរជាតិទាំងអស់»។
ក្រៅពីការថ្លែងថ្កោលទោសអាមេរិក ប្រមុខការទូតរុស្ស៊ីប្រចាំអង្គការសហប្រជាជាតិរូបនេះ បានជំរុញឲ្យសហរដ្ឋអាមេរិកដោះលែង លោក ម៉ាឌូរ៉ូ និងភរិយារបស់គាត់ជាបន្ទាន់ ព្រមទាំងបានអះអាងថា រុស្ស៊ីឈរនៅសាមគ្គីភាពជាមួយប្រជាជនវ៉េណេស៊ុយអេឡា។
លោក វ៉ាស៊ីលី ណេបេនហ្ស៊ីយ៉ា បានថ្លែងថា៖«យើងបង្ហាញពីសាមគ្គីភាពដ៏រឹងមាំរបស់យើងជាមួយប្រជាជនវ៉េណេស៊ុយអេឡាក្នុងការប្រឈមមុខនឹងការឈ្លានពានពីខាងក្រៅ។ យើងគាំទ្រយ៉ាងពេញទំហឹងដល់ដំណើររបស់រដ្ឋាភិបាលវ៉េណេស៊ុយអេឡា ដែលមានគោលបំណងការពារផលប្រយោជន៍ជាតិ និងអធិបតេយ្យភាពរបស់ប្រទេស»។
ប្រមុខការទូតរុស្ស៊ីប្រចាំអង្គការសហប្រជាជាតិរូបនេះ បានលើកឡើងផងដែរថា រាល់បញ្ហា និងការខ្វែងគំនិតគ្នារវាងសហរដ្ឋអាមេរិក និងវ៉េណេស៊ុយអេឡា ត្រូវតែដោះស្រាយតាមរយៈការសន្ទនា។ នេះជាអ្វីដែលធម្មនុញ្ញអង្គការសហប្រជាជាតិបានកំណត់ គោលបំណង និងគោលការណ៍ដែលរដ្ឋមួយចំនួនបានជ្រើសរើសអនុវត្តក្នុងប៉ុន្មានឆ្នាំថ្មីៗនេះ អាស្រ័យលើស្ថានភាពនយោបាយ។
លោក វ៉ាស៊ីលី ណេបេនហ្ស៊ីយ៉ា បានបន្តថា សកម្មភាពឈ្លានពានរបស់វ៉ាស៊ីនតោនត្រូវបានថ្កោលទោសរួចហើយដោយរដ្ឋជាច្រើន និងអង្គការពហុភាគី រួមទាំងចលនាមិនចូលបក្សសម្ព័ន្ធ សហភាពអាហ្វ្រិក និងក្រុមមិត្តនៃធម្មនុញ្ញអង្គការសហប្រជាជាតិ។
ក្រោយសហរដ្ឋអាមេរិកលើកទ័ពវាយប្រហារវ៉េណេស៊ុយអេឡា ក្រោយហេតុផលកម្ចាត់មេបណ្តាញគ្រឿងញៀនកាលថ្ងៃទី៣ខែមករាឆ្នាំ២០២៦ ប្រទេសមួយចំនួនបានចេញសារថ្កោលទោសអាមេរិក រួមមាន រុស្ស៊ី ចិន កូឡុំប៊ី ម៉ិកស៊ិក គុយបា អ៊ីរ៉ង់ អេស្បាញ ឈីលី ប្រេស៊ីល និងបារាំង ជាដើម៕
រ៉ាន់ រើយ
-
សន្តិសុខសង្គម៥ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៣ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ១ សប្តាហ៍ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ៧ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៤ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ