បាក់អគារសង្កត់ឡានក្រុងនៅកូរ៉េខាងត្បូង ស្លាប់មនុស្ស៩នាក់

មនុស្សចំនួន៩នាក់បានស្លាប់ បន្ទាប់ពីអគារកម្ពស់៥ជាន់មួយ បានបាក់រលំលើឡានក្រុង ក្នុងប្រទេសកូរ៉េខាងត្បូង។

មនុស្ស ៨ នាក់ក៏ត្រូវរបួសផងដែរ ក្នុងការបាក់រលំនេះ ដែលបានកើតឡើងនៅទីក្រុង Gwangju ភាគខាងត្បូង។

ទីភ្នាក់ងារពន្លត់អគ្គិភ័យជាតិបាននិយាយថា ឡានក្រុងនោះ មានដឹកមនុស្សចំនួន១៧នាក់ហើយ កំពុងឈប់នៅតាមផ្លូវខាងក្រោម។

មូលហេតុនៃការបាក់នេះ មិនទាន់ត្រូវបានគេដឹងច្បាស់នៅឡើយទេ ហើយកិច្ចខិតខំប្រឹងប្រែងស្វែងរកអ្នកនៅរស់ដែលអាចជាប់ខាងក្រោមអគារ កំពុងដំណើរការ។

មន្រ្តីពន្លត់អគ្គិភ័យលោក Kim Seok-sun បាននិយាយនៅក្នុងសន្និសីទកាសែតថា កម្មករទាំងអស់នៅកន្លែងនោះ បានចាកចេញមុនពេលអគារបាក់រលំ។

គួរបញ្ជាក់ថា ការដួលរលំអគារដ៏អាក្រក់បំផុតក្នុងប្រទេសកូរ៉េខាងត្បូង បានកើតឡើងនៅខែមិថុនាឆ្នាំ១៩៩៥ នៅពេលហាងលក់ទំនិញ Sampoong ក្នុងទីក្រុងសេអ៊ូល បានដួលរលំ ដោយសម្លាប់មនុស្សជាង៥០០នាក់៕

ប្រែសម្រួល៖ Vann Vann

ប្រភព៖ BBC

ចុចអាន៖ ខួប​១​ឆ្នាំ​ បាក់​រលំ​អគារ​នៅ​ខេត្ត​កែប​ អាជ្ញាធរ សង្កត់​ធ្ងន់​លើ​ការ​អនុវត្ត​តឹងរ៉ឹង​តាម​គោលការណ៍​ច្បាប់ មុន​សាងសង់​