ព័ត៌មានអន្ដរជាតិ

កុមារឆ្លងកូវីដ ក្រោយជាសះស្បើយ កម្រធ្វើទុក្ខយូរដូចមនុស្សធំ

បានផុស

៥ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

chean virakbot

កុមារដែលបានឆ្លងកូវីដ-១៩កម្រកើតមានរោគសញ្ញាធ្វើទុក្ខយូរ បន្ទាប់ពីពួកគេព្យាបាលជាសះស្បើយហើយ។ ការសិក្សាបានបង្ហាញ។

អ្នកវិទ្យាសាស្ត្រនៅមហាវិទ្យាល័យ King’s College London បាននិយាយថា ក្រុមកុមារដែលមានរោគសញ្ញាយូរ ពួកគេជឿជាក់ថា មានចំនួនទាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាវិទ្យាល័យកុមារ និងអ្នកជំនាញសុខភាពកុមារបាននិយាយថា ទិន្នន័យបានឆ្លុះបញ្ចាំងពីអ្វីដែលក្រុមវេជ្ជបណ្ឌិតបានរកឃើញនៅក្នុងគ្លីនិក។ បើប្រៀបធៀបជាមួយនឹងមនុស្សធំ កុមារមានហានិភ័យនៃការធ្វើទុករយៈពេលយូរតិច។

ការសិក្សាដែលត្រូវបានចេញផ្សាយនៅក្នុងទិនានុប្បវត្តិសុខភាពកុមារនិងយុវវ័យ Lancet ចង់ស្វែងយល់ពីរបៀបដែលកូវីដប៉ះពាល់ដល់កុមារ និងប្រៀបធៀបនឹងជំងឺផ្លូវដង្ហើមផ្សេងទៀត។

គេប្រើទិន្នន័យដែលផ្តល់ឲ្យដោយឪពុកម្តាយ ឬអាណាព្យាបាលតាមរយៈកម្មវិធី UK Zoe Covid Study។ ការសិក្សាបានធ្វើលើកុមារចំនួន១៧៣៤នាក់ដែលមានអាយុ៥ទៅ១៧ឆ្នាំដែលត្រូវបានរាយការណ៍ពីរោគសញ្ញា និងវិជ្ជមានកូវីដ-១៩ចន្លោះខែកញ្ញា ឆ្នាំ២០២០ និងខែកុម្ភៈ ឆ្នាំ២០២១។

អ្នកស្រាវជ្រាវនិយាយថា វាពិតបាកណាស់ដើម្បីដឹងថាតើកុមារប៉ុន្មាននាក់បានឆ្លងកូវីដកំឡុងពេលនេះ ខណៈទិន្នន័យកត់ត្រារបស់ប្រទេសចក្រភពអង់គ្លេស៤ផ្សេងៗគ្នា ប៉ុន្តែពួកគេបានប៉ាន់ស្មានថា កុមារ និងមនុស្សវ័យជំទង់ជាង៤០ម៉ឺននាក់បានឆ្លងកូវីដ។

ការសិក្សារកឃើញថា កុមារតិចជាង១នាក់ក្នុងចំណោម២០នាក់ (៤%) ត្រូវបានរកឃើញថា មានរោគសញ្ញាធ្វើទុក្ខយូរដល់៤សប្តាហ៍ ឬច្រើនជាងនេះ ខណៈ១នាក់ក្នុងចំណោម៥០នាក់ (២%)មានរោគសញ្ញារយៈពេលយូរដល់ជាង៨សប្តាហ៍។

រោគសញ្ញាជាទូទៅដែលត្រូវបានរាយការណ៍គឺឈឺក្បាល និងអស់កម្លាំង។ រោគសញ្ញាផ្សេងទៀតដូចជា ឈឺបំពងក និងបាត់បង់ក្លិន។

ជាមធ្យម មនុស្សវ័យជំទង់មានរោគសញ្ញាយូរជាងកុមាររៀនថ្នាក់បឋមសិក្សា ដែលទាំងនោះគឺកុមារអាយុចន្លោះ១២ទៅ១៧ឆ្នាំចំណាយពេលត្រឹមតែមួយសប្តាហ៍ដើម្បីជាសះស្បើយ ខណៈកុមារកាន់តែក្មេងប្រើពេលយូរបំផុត៥ថ្ងៃប៉ុណ្ណោះ។

ប្រការនេះត្រូវបានអ្នកវិទ្យាសាស្ត្រសង្ឃឹមថា ការរកឃើញទាំងនោះនឹងធានាដល់ក្រុមគ្រួសារជាថ្មី និងផ្តល់សុពលភាពដល់អ្នកដែលធ្លាប់មានរោគសញ្ញាយូរ៕

អានបន្ថែម៖ WHO បារម្ភយ៉ាងខ្លាំងពីកូវីដធ្វើទុក្ខរយៈពេលវែង ក្រោយពេលជាសះស្បើយ

ប្រែសម្រួល៖ វីរបុត្រ
ប្រភព៖ BBC