ក្រោយ អាមេរិក ដកទ័ពចេញពី អាហ្វហ្គានីស្ថាន តាលីបង់ និយាយថា “នេះជាជ័យជម្នះរបស់យើងទាំងអស់គ្នា”

អ្នកនាំពាក្យតាលីបង់បានអះអាងជ័យជម្នះ បន្ទាប់ពីយន្តហោះអាមេរិកចុងក្រោយបានចាកចេញពីអាកាសយានដ្ឋានក្រុងកាប៊ុល ដែលជាការបញ្ចប់សង្គ្រាមដ៏យូរបំផុតរបស់អាមេរិក ដោយនិយាយថា វាជាកម្មសិទ្ធិរបស់យើងទាំងអស់គ្នា ។

គិតត្រឹមថ្ងៃទី ៣១ ខែសីហានេះ ក្រុមតាលីបង់ស្ថិតនៅក្នុងការគ្រប់គ្រងពេញលេញនៃព្រលានយន្តហោះក្រុងកាប៊ុល ។

ដោយដកស្រង់សម្តីពីសារព័ត៌មាន AFP លោក Zabihullah Mujahid បាននិយាយថា “យើងចង់មានទំនាក់ទំនងល្អជាមួយអាមេរិក និងពិភពលោក ។ យើងស្វាគមន៍ទំនាក់ទំនងការទូតល្អជាមួយពួកគេទាំងអស់គ្នា” ។

ទន្ទឹមនោះ រដ្ឋមន្ត្រីការបរទេសអាមេរិកលោក Antony Blinken បានប្រកាសមុននេះថា ទីក្រុងវ៉ាស៊ីនតោននឹងផ្លាស់ប្តូរមូលដ្ឋានការទូតរបស់ខ្លួន នៅអាហ្វហ្គានីស្ថានទៅកាន់ទីក្រុងដូហាប្រទេសកាតា បន្ទាប់ពីបញ្ចប់ការដកកងកម្លាំងយោធាចេញពីទីក្រុងកាប៊ុល ។

នៅថ្ងៃទី ៣០ ខែសីហា ប្រធានបញ្ជាការកណ្ដាលអាមេរិក (CENTCOM) លោក Kenneth McKenzie បានប្រកាសថា សមាជិកសេវាកម្មអាមេរិកដែលនៅសេសសល់ទាំងអស់ ត្រូវបានដកចេញពីអាហ្វហ្គានីស្ថានមុនថ្ងៃផុតកំណត់ថ្ងៃទី ៣១ ខែសីហា ។ យន្តហោះយោធា C-17 ចុងក្រោយរបស់អាមេរិកបានចាកចេញពីអាកាសយានដ្ឋានក្រុងកាប៊ុល ជាមួយឯកអគ្គរដ្ឋទូតប្រចាំនៅអាហ្វហ្គានីស្ថានលោក Ross Wilson នៅលើយន្តហោះនោះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តាលីបង់ ចង់បើកព្រលានយន្តហោះក្រុងកាប៊ុលឡើងវិញ តែខ្វះអ្នកជំនាញបច្ចេកទេស បើចាប់អារម្មណ៍អាចចរចាបាន