ក្មេងស្រីតូចៗ ត្រូវគេបង្ខំឲ្យដើរអាក្រាតកាយ ក្នុងពីធីសុំទឹកភ្លៀងនៅ ឥណ្ឌា (មានវីដេអូ)

ក្មេងស្រីតូចៗចំនួន ៦ នាក់ត្រូវបានគេបង្ខំឲ្យដើរអាក្រាតកាយ នៅភូមិមួយក្នុងស្រុក Damoh នៃរដ្ឋ Madhya Pradesh ក្នុងពិធីសុំទឹកភ្លៀង ដោយសារតំបន់នោះកំពុងជួបប្រទះគ្រោះរាំងស្ងួត។

គណៈកម្មាធិការជាតិការពារសិទិ្ធកុមារ (NCPCR) បានស្វែងរករបាយការណ៍ពីរដ្ឋបាលស្រុក Damoh អំពីហេតុការណ៍ដែលបានកើតឡើងកាលពីថ្ងៃអាទិត្យទី៥ខែកញ្ញា នៅភូមិ Baniya។

មន្រ្តីស្រុកនិយាយថា ប៉ូលិសបានទទួលព័ត៌មានថា ក្មេងស្រីខ្លះត្រូវបានគេបង្ខំឲ្យដើរអាក្រាតដើម្បីលួងលោមព្រះ ឲ្យបង្អុរទឹកភ្លៀង។

ប៉ូលិសកំពុងស៊ើបអង្កេតហេតុការណ៍នេះហើយ នឹងមានការចាត់វិធានការ ប្រសិនបើរកឃើញថា ក្មេងស្រីត្រូវបានគេបង្ខំឲ្យដើរអាក្រាតកាយពិតមែន។

យោងតាមជំនឿ ក្មេងស្រីត្រូវបានគេឲ្យដើរអាក្រាតកាយដោយមានចងឈើ ជាប់នៅលើស្មារបស់ពួកគេ។ ក្រុមស្ត្រីដែលអមដំណើរក្មេងស្រីទាំងនេះ នាំគ្នាច្រៀងដើម្បីសរសើរព្រះ។

មន្ត្រីក្នុងស្រុកនិយាយថា ឪពុកម្តាយរបស់ក្មេងស្រី ក៏ជាប់ពាក់ព័ន្ធនឹងហេតុការណ៍នេះដែរ៕

វីដេអូ៖

ប្រែសម្រួល៖ Vann Vann

ប្រភព៖ Tribune

ចុចអាន៖ គ្រូពេទ្យស្រឡាំងកាំង ពេលស្រ្តីម្នាក់អះអាងថា មិនដែលដេកសោះ រយៈពេល៤០ឆ្នាំ