Connect with us

ព័ត៌មានអន្ដរជាតិ

ឥណ្ឌា អាមេរិក ជប៉ុន និងអូស្ត្រាលីចាប់ផ្តើមធ្វើសមយុទ្ធកងនាវាចរទ្រង់ទ្រាយធំរួមគ្នា

បានផុស

នៅ

ប្រភពពីរដ្ឋាភិបាលឥណ្ឌាបាននិយាយថា ប្រទេសឥណ្ឌា សហរដ្ឋអាមេរិក ជប៉ុន និងអូស្ត្រាលីបានចាប់ផ្តើមធ្វើសមយុទ្ធកងនាវាចររួមគ្នាដ៏ធំបំផុតរបស់ពួកគេក្នុងរយៈពេលជាងមួយទសវត្សរ៍កន្លងមកនេះកាលពីថ្ងៃអង្គារ ទី៣ ខែវិច្ឆិកា ហើយត្រូវបានគេមើលឃើញថាជាផ្នែកមួយនៃកិច្ចប្រឹងប្រែងដើម្បីថ្លឹងថ្លែងអំណាចយោធា និងសេដ្ឋកិច្ចដ៏ធំរបស់ចិននៅក្នុងតំបន់ ។

សមយុទ្ធកងនាវាចរប្រចាំឆ្នាំឈ្មោះ ” Malabar” ដែលឥណ្ឌាធ្វើឡើងជាមួយសហរដ្ឋអាមេរិក និងជប៉ុនត្រូវបានដាក់បន្ថែមប្រទេសអូស្រ្តាលីមួយទៀតនៅឆ្នាំនេះដើម្បីគ្របដណ្តប់សមាជិកទាំងអស់នៃក្រុម Quad ដែលជាក្រុមក្រៅផ្លូវការនៃប្រទេសប្រជាធិបតេយ្យធំបំផុតទាំងបួននៅក្នុងតំបន់ឥណ្ឌូ-ប៉ាស៊ីហ្វិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិឥណ្ឌាបាននិយាយថា នាវាចំនួន ៥ គ្រឿងរបស់កងនាវាចរឥណ្ឌារួមទាំងនាវាមុជទឹកមួយគ្រឿងត្រូវបានដាក់ពង្រាយនៅក្នុងសមយុទ្ធរួមជាមួយនាវាពិឃាតមីស៊ីល John S McCain របស់កងទ័ពជើងទឹកសហរដ្ឋអាមេរិក នាវាចម្បាំង Ballarat របស់អូស្ត្រាលី និងនាវាពិឃាតជប៉ុន ។

ទន្ទឹមនោះវានឹងមិនមានការទាក់ទងគ្នារវាងបុគ្គលិកយោធានៃប្រទេសទាំងបួននោះទេដោយសារតែការរឹតបន្តឹងនៃជំងឺកូវីដ ១៩ ក្នុងអំឡុងពេលសមយុទ្ធដំណាក់កាលដំបូងដែលនឹងដំណើរការរហូតដល់ថ្ងៃទី ៦ ខែវិច្ឆិកា ។

ប្រភពយោធាបាននិយាយថា នៅចុងខែនេះឥណ្ឌា និងសហរដ្ឋអាមេរិកនឹងដាក់ពង្រាយនាវាដឹកយន្តហោះនៅក្នុងសមយុទ្ធនេះផងដែរ ។

ក្រសួងការពារជាតិបាននិយាយនៅក្នុងសេចក្តីថ្លែងការណ៍មួយថា “សមយុទ្ធនេះនឹងបង្ហាញពីកម្រិតខ្ពស់នៃការរួមបញ្ចូលគ្នា និងការសម្របសម្រួលរវាងកងទ័ពជើងទឹកដែលមានលក្ខណៈជាមិត្តដែលផ្អែកលើតម្លៃ និងការប្តេជ្ញាចិត្តរួមគ្នាចំពោះការបើកចំហតំបន់ឥណ្ឌូណេស៊ី-ប៉ាស៊ីហ្វិក និងបទបញ្ជាផ្អែកលើច្បាប់អន្តរជាតិ” ។

សមយុទ្ធនេះធ្វើឡើងចំពេលដែលម្ចាស់ផ្ទះឥណ្ឌាកំពុងមានបញ្ហាយោធានៅតាមព្រំដែនដីមានជម្លោះជាមួយចិន ខណៈដែលទំនាក់ទំនងការទូតរបស់អូស្ត្រាលីក៏កាន់តែអាក្រក់ទៅៗផងដែរនៅឆ្នាំជាមួយក្រុងប៉េកាំង ។ ចំណែកប្រទេសជប៉ុនក៏មិនខុសគ្នាដែរកំពុងតែមានជម្លោះជាមួយចិនជុំវិញភាពជាម្ចាស់កោះនៅសមុទ្រចិនខាងកើត ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ (មានវីដេអូ) ៖ កងនាវាចរឥណ្ឌាបង្ហាញពីការបាញ់មីស៊ីលពន្លិចនាវាសត្រូវ អំឡុងពេលសមយុទ្ធ

ចុចអាន ៖ (មានវីដេអូ) ៖ ឥណ្ឌាបញ្ចប់ការបាញ់សាកល្បងដោយជោគជ័យនូវមីស៊ីលប្រឆាំងរថក្រោះជំនាន់ទី ៣ របស់ខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម