កូរ៉េខាងជើង រិះគន់រឿង “Squid Game” លាតត្រដាងពិភពលោកឲ្យដឹងពីវប្បធម៌គិតតែលុយរបស់ កូរ៉េខាងត្បូង

ទូរទស្សន៍ TMZ រាយការណ៍ថា រឿងភាគដ៏ពេញនិយមរបស់កូរ៉េខាងត្បូងដែលមានចំណងជើងថា “Squid Game” នាពេលថ្មីៗនេះបានទាក់ទាញការចាប់អារម្មណ៍ពីវេបសាយឃោសនាមួយរបស់ប្រទេសកូរ៉េខាងជើង ។

វេបសាយដែលមានឈ្មោះថា Arirang Meari បានបញ្ជាក់ថា ប្រជាប្រិយភាពរបស់រឿងភាគនេះផ្តើមចេញពីការពិតដែលថា “វាលាតត្រដាងការពិតនៃវប្បធម៌មូលធននិយមកូរ៉េខាងត្បូង” ហើយបានដាក់ស្លាកថា “វប្បធម៌អំពើពុករលួយ និងអំពើអសីលធម៌ជារឿងធម្មតានៅកូរ៉េខាងត្បូង” ។

វេបសាយនេះបានរាយការណ៍ទៀតថា រឿង “Squid Game” បានលាតត្រដាងពីពិភពលោកដែលគិតតែរឿងលុយ បង្ហាញពីភាពភ័យរន្ធត់ដូចឋាននរក ហើយបានរិះគន់ជនជាតិកូរ៉េខាងត្បូងដែលមិនបញ្ចេញឈ្មោះ ដោយនិយាយថា រឿង “Squid Game” បង្ហាញពីសង្គមមិនស្មើភាពដែលមនុស្សគ្មានលុយត្រូវបានគេចាត់ទុកដូចជា កូនអុកសម្រាប់អ្នកមាន ។

ទន្ទឹមនោះ វេបសាយ Arirang Meari បានសង្កត់ធ្ងន់ថា រឿងនេះបានឲ្យមនុស្សដឹងពីការពិតដ៏ក្រៀមក្រំ និងកាចសាហាវនៃសង្គមកូរ៉េខាងត្បូង ដែលមនុស្សជាតិត្រូវបានជំរុញឲ្យប្រកួតប្រជែងយ៉ាងខ្លាំង ហើយមនុស្សជាតិរបស់ពួកគេកំពុងត្រូវបានបំផ្លាញ ដោយសារតែលុយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ្នកនិពន្ធថា ” Squid Game ” ជារឿងពិត កើតឡើងនៅអាមេរិក-កូរ៉េខាងត្បូង និងបំផុសគំនិតដោយលោក Donald Trump