Connect with us

ព័ត៌មានអន្ដរជាតិ

ចិន ចោទ អាមេរិក ថា ឧប្បត្តិហេតុនាវាមុជទឹកនុយក្លេអ៊ែរនៅ សមុទ្រចិនខាងត្បូង ជានយោបាយរបស់ ទីក្រុងវ៉ាស៊ីនតោន

បានផុស

នៅ

ក្រសួងការពារជាតិចិនបាននិយាយកាលពីថ្ងៃអង្គារថា ខ្លួនមានការព្រួយបារម្ភយ៉ាងខ្លាំងចំពោះឧបទ្ទវហេតុនាពេលថ្មីៗនេះ ជាមួយនាវាមុជទឹកនុយក្លេអ៊ែរអាមេរិកនៅតំបន់ឥណ្ឌូ-ប៉ាស៊ីហ្វិក ហើយទាមទារឲ្យសហរដ្ឋអាមេរិកផ្តល់ព័ត៌មានលម្អិតអំពីគ្រោះថ្នាក់នេះក្នុងពេលឆាប់ៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការពារជាតិលោក Tan Kefei បាននិយាយនៅក្នុងសេចក្តីថ្លែងការណ៍មួយថា “ក្នុងនាមជាភាគីទទួលខុសត្រូវ អាមេរិកត្រូវមានទំនួលខុសត្រូវ និងកាតព្វកិច្ចលម្អិតអំពីកាលៈទេសៈនៃឧប្បត្តិហេតុនេះ” ។

លោក Tan បានកត់សម្គាល់បន្ថែមទៀតថា ឧបទ្ទវហេតុនេះ គឺជាលទ្ធផលផ្ទាល់នៃគោលនយោបាយរបស់ទីក្រុងវ៉ាស៊ីនតោននៅក្នុងតំបន់ បន្ទាប់ពីបានបញ្ជូននាវាយោធា និងយន្តហោះជាបន្តបន្ទាប់ ដើម្បីសម្ញែងសាច់ដុំរបស់ពួកគេ និងបង្កបញ្ហា ក្នុងនាមសេរីភាពនៃការធ្វើនាវាចរណ៍ និងការហោះហើរ ។

លោក Tan Kefei

យោងតាមអ្នកនាំពាក្យរូបនេះបានឲ្យដឹងទៀតថា សកម្មភាពទាំងនេះបានគំរាមកំហែងយ៉ាងធ្ងន់ធ្ងរដល់សន្តិសុខ និងសុវត្ថិភាពនាវាចរណ៍ក្នុងតំបន់ ព្រមទាំងបង្កើនភាពតានតឹងក្នុងតំបន់ជាដើម ។

ទន្ទឹមនោះ លោក Tan បានទទូចឲ្យអាមេរិកបញ្ឈប់ការឈ្លបយកការណ៍នៅជិតព្រំដែនប្រទេសចិន និងប្រាប់លំអិតអំពីឧប្បត្តិហេតុនេះឲ្យបានឆាប់តាមដែលអាចធ្វើទៅបាន ដើម្បីកម្ចាត់កង្វល់របស់ប្រទេសនៅក្នុងតំបន់ ។

គួរបញ្ជាក់ថា នៅថ្ងៃទី ៧ ខែតុលា នាវាមុជទឹកដើរដោយថាមពលនុយក្លេអ៊ែរ USS Connecticut កងទ័ពជើងទឹកអាមេរិក ដែលធ្វើដំណើរឆ្ពោះទៅកោះហ្គាំបានបុកវត្ថុមួយ ខណៈកំពុងប្រតិបត្តិការនៅក្នុងដែនទឹកអន្តរជាតិនៅសមុទ្រចិនខាងត្បូង ហើយទីក្រុងប៉េកាំងបានរិះគន់ក្រុងវ៉ាស៊ីនតោនទាក់ទងនឹងបញ្ហានេះថាជា “វិធីសាស្រ្តគ្មានទំនួលខុសត្រូវ និងអាថ៍កំបាំង” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ នាវាមុជទឹកអាមេរិក ជួបហេតុការណ៍ភ្ញាក់ផ្អើល នៅសមុទ្រចិនខាងត្បូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម