ព័ត៌មានអន្ដរជាតិ
ពេលនេះលោកស្រី Kamara Harris ជាស្រ្តីដំបូងកាន់កាប់តំណែងប្រធានាធិបតីអាមេរិក
អនុប្រធានាធិបតីអាមេរិកលោកស្រី Kamala Harris នឹងក្លាយជាស្ត្រីទីមួយ ដែលត្រូវកាន់កាប់តំណែងប្រធានាធិបតីអាមេរិក ក្នុងរយៈពេលខ្លី ខណៈលោក Joe Biden ឆ្លងកាត់ការត្រួតពិនិត្យសុខភាពជាប្រចាំរបស់លោក។
ប្រធានាធិបតី Biden នឹងផ្ទេរអំណាចទៅឲ្យលោកស្រី Harris សម្រាប់រយៈពេល ដែលលោកត្រូវបានដាក់ឲ្យស្ថិតនៅក្រោមការប្រើថ្នាំសន្លប់ ដើម្បីឆ្លុះមើលពោះវៀនធំ ហើយនឹងមកដល់នៅមុនថ្ងៃខួបកំណើតគម្រប់ ៧៩ ឆ្នាំរបស់លោក។
លោកស្រី Harris នឹងគ្រប់គ្រងជាបណ្តោះអាសន្ន នូវអាវុធនុយក្លេអ៊ែរ និងយោធារបស់សហរដ្ឋអាមេរិក។
អ្នកនាំពាក្យសេតវិមាន លោកស្រី Jen Psaki បាននិយាយនៅក្នុងសេចក្តីថ្លែងការណ៍មួយថា “អនុប្រធាន នឹងធ្វើការពីការិយាល័យរបស់នាងនៅ West Wing ក្នុងអំឡុងពេលនេះ” ។
គួរបញ្ជាក់ថា លោកស្រី Harris អាយុ ៥៧ ឆ្នាំ គឺជាស្ត្រីទីមួយ និងជាជនជាតិអាមេរិកស្បែកខ្មៅ និងអាស៊ីខាងត្បូងដំបូងគេ ដែលត្រូវបានជ្រើសរើសជាអនុប្រធានាធិបតីសហរដ្ឋអាមេរិក។
លោកស្រី Psaki បានបន្ថែមថា ការផ្ទេរអំណាចបណ្តោះអាសន្នក្នុងកាលៈទេសៈបែបនេះ មិនមែនជារឿងដែលមិនធ្លាប់មានពីមុនមកនោះទេ ហើយថាវាជាផ្នែកមួយនៃដំណើរការដែលមានចែង នៅក្នុងរដ្ឋធម្មនុញ្ញរបស់សហរដ្ឋអាមេរិក។
សេចក្តីថ្លែងការណ៍របស់ លោកស្រី Jen Psaki បាននិយាយថា “ដូចករណីដែលប្រធានាធិបតី George W Bush មាននីតិវិធីដូចគ្នាក្នុងឆ្នាំ ២០០២ និង ២០០៧” ។
លោក Biden ដែលជាប្រធានាធិបតីចាស់បំផុតរបស់សហរដ្ឋអាមេរិកចូលកាន់តំណែង បានពិនិត្យសុខភាពពេញលេញចុងក្រោយក្នុងខែធ្នូ ឆ្នាំ ២០១៩។ នៅពេលនោះ វេជ្ជបណ្ឌិតប្រចាំខ្លួនប្រធានាធិបតីរូបនេះ បានចេញផ្សាយរបាយការណ៍វេជ្ជសាស្ត្រដែលពណ៌នាថា “លោកមានសុខភាពល្អ រឹងមាំ” និង “សមដើម្បីអនុវត្តភារកិច្ចរបស់ប្រធានាធិបតី ដោយជោគជ័យ” ៕
ប្រែសម្រួល៖ សាង ស្រីល័ក្ខ
ចុចអាន៖ប្រជាជន អាមេរិក ស្លាប់កើនលើស ១០ ម៉ឺននាក់ តែលើកនេះ មិនមែនដោយសាររោគរាតត្បាត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង